【獨媒報導】港足昨晚（31日）在省港盃首回合賽事，以兩球擊敗廣東隊，比賽場地是旺角大球場，入場人數逾5,000人。被問到是否希望多安排在旺角場比賽，港隊主教練安達臣則稱很難講，「需要考慮下」。他承認，港隊球員在旺角場比賽是較易適應：「喺港超聯嗰陣，佢哋已經喺旺角場比賽過好多次。比起香港大球場，佢哋更加了解呢個場。當佢哋喺香港大球場比賽嘅時候，幾乎好似一場作客比賽⋯⋯所以或者我哋需要考慮下。」
安達臣
港隊憑陳肇鈞、潘沛軒在上下半場各入一球，以2：0擊敗廣東隊。在賽後記者會上，安達臣稱滿意港隊今場表現，形容球隊充滿活力、具侵略性，而且比賽節奏急促：「呢啲就係我哋希望見到、球迷希望見到嘅。宜家我哋越嚟可以踢呢種風格，發揮呢種壓力，踢出好嘅比賽。」
對球場內氣氛感驚喜 大讚陳肇鈞入球
今場賽事安排在旺角場舉行，雖然是周三的晚上，但仍有5,067名球迷入場。安達臣亦對球場的氣氛感到驚喜，認為球迷的支持，對港隊備戰3月的世界盃外圍賽有幫助。他又讚揚，部分球員經過亞洲盃六星期的集訓後變得「更強壯、更快、更有能量」。
安達臣重申，港隊有能力進行高位迫搶，甚至勝出比賽：「今日球隊上半場表現好出色，我哋踢成1：0，我從來無見過Philip 咁樣入球。佢總係喺禁區內射入，或者將個波射出底線，但佢今日實現咗我認為嘅20米目標。」
認球員較適應旺角場 「喺香港大球場比賽嘅時候，幾乎好似一場作客比賽」
自接任港隊主教練後，球隊主場賽事大多安排在香港大球場舉行。不少球迷亦認為，旺角場的氣氛較大球場佳。有記者就問安達臣：「你係咪希望多啲喺旺角大球場舉行比賽？」
安達臣在想了想後稱「很難講」，表示在數月前亦曾考慮該問題，但認同球員在旺角場比賽較易適應：「喺港超聯嗰陣，佢哋已經喺旺角場踢過好多次，特別係傑志及東方球員，佢哋比起香港大球場更加了解呢個場地。當佢哋喺香港大球場比賽嘅時候，幾乎好似一場作客比賽⋯⋯所以或者我哋需要考慮下。」
感謝球迷支持 延續卡塔爾亞洲盃氣氛
港隊今場取得兩個入球，下周三（7日）次回合將作客廣州，力爭省港盃三連霸。被問到「揸住兩球」是否有優勢，安達臣就表示不清楚，並指賽程與部分球員的球隊比賽有衝突，所以每一場都會是「不同的比賽」。
最後，安達臣就感謝入場的港隊球迷，延續了亞洲盃的氣氛：「將氣氛從卡塔爾帶返香港。」他重申，球迷的支持對港隊球員來說很重要：「無論輸贏，佢哋都支持我哋，我鍾意呢班球迷。」
記者：麥馬高、劉苑嫻
攝影：周頌謙