【獨媒報導】2019年7.21元朗事件中,遭白衣人施襲、獲警方致謝舉報的民主黨前立法會議員林卓廷,與6男被控暴動罪,今(14日)踏入審訊第16日。時任元朗分區助理指揮官(行動)的李伯豪接受盤問。他記得當晚有警員匯報「鳳攸北街有100至200名白色衫人聚集,無人爭執打鬥、秩序良好」。辯方引警員記事冊指李於晚上9時指示警員離場;他表示:「應該係行動室指示,我唔會落到呢啲指示。」另外,辯方引記事冊指警方於港鐵求助後曾派3名軍裝警往元朗站,警員到場後匯報:「於10時52分,好多白衣人士叫囂喊打,我方人手不足要求支援,先行撤退。」李表示無印象,亦不知有3名警員在元朗站逗留短時間。
辯方又指出,李到元朗站時收到消息或有白衣人可能施襲;辯方追問:「既然係咁,點解你見到咁多白衣人走過,完全不採取行動截停調查?」李表示:「我第一個諗法係點樣可以制止件事,因為我面前有市民喺驚惶當中,另外一啲畫面白衫人跑過,唔知發生咩事。我第一件事制止咗我面前有嘅事情先。」由於李回答問題期間經常說「冇印象」,因此法官陳廣池表示這個答案會令人不解:「你好鐘意用冇印象」、「知就知,唔知就唔知」。
指揮官承認7月中收消息元朗村民有「吹雞」行動





