【獨媒報導】Facebook 專頁「中環十一少」早前翻查科技園公司年報，踢爆科技園將逾102億承造定期儲款，質疑未有善用政府2018年增撥的100億元，又揶揄現任行政總裁黃克強年年加薪至去年518萬元。黃克強今在記者會親身回應，他不諱言上個財政年度的確有100億元在銀行戶口，更讚「嗰位仁兄好叻嘅，都有跟佢睇㗎」，補充今年只剩約70億元，存款用於大型建設「找數」。
「中環十一少」的文章引述年報，指出科技園公司「原到期日超過三個月之銀行存款」高達102億元，銀行存款佔流動資產96%。科技園公司因此的利息收入有1.56億元，「中環十一少」質疑對創科無幫助，是浪費公帑。但另一方面，黃克強自2016年加入科技園後，近三個年度年年加薪，由468萬元，分別增至499萬元及截至2021年3月的518萬元。
黃克強今午在回應完「喵坊Mil Mill」事件後，主動表示希望藉記者會機會，回應「有啲媒體講100億港紙放銀行戶口嗰樣嘢」。他突然表示「我想話畀大家聽，嗰位仁兄係好叻嘅，我哋都有跟佢睇㗎，咁嗰一百億，確實喺我上一年嘅財政報告，係有嘅！」，承認去年財政報告中，確實存在100億存款，但今年只剩70多億：「啲錢做咩嘅呢？其實我哋要找數㗎嘛。」
他續指政府要求科技園興建多個大型建設，例如先進製造業中心、科技園二期擴建、藥品安全中心等，部分項目要支付尾數，他又指有需要預留款項。至於為何將100億元放在銀行戶口收息，而非其他投資項目？黃克強指作為公營機構，「唔可以亦唔應該放高風險投資公具」，他又強調「呢筆錢，擺喺度係有計劃去用嘅」。