【獨媒報導】宏新閣居民連續第三日上樓執拾、年約80歲、居住在30樓的梁婆婆，因為腳痛未能親自上樓執拾，由女婿代為上樓，最後獲告知已執拾護照、與丈夫的陳年合照及首飾等。
梁婆婆獨居在宏新閣30樓單位，已居住在該單位40多年。她一直希望重返單位執拾，更曾嘗試練習行樓梯：「我行過啦，行到腳都震，落到嚟係咁震，個人唔得呀。」
梁婆婆
她最後決定交由女婿代為上樓，希望能執拾子女相片、首飾及紀念品等，笑言「睇吓有咩啱執咪執返去」。不過，她同打定輸數稱，「拎得返咪算數囉，啲金器又冇㗎囉」。對她來說，最心痛是原用作封利是的萬多元現金全數被燒毀。
在女婿上樓後，梁婆婆獲對方傳來家中的相片，告知已執拾護照、其與丈夫的陳年合照及首飾等。對於未能上樓，她坦言感到可惜：「我後生幾廿年我梗係走返上去睇下啦」：「幾廿年唔多唔少都有（感情）㗎嘛⋯⋯燒咗都冇辦法，唉。」
另外，梁婆婆對政府安排有微言，指大廈在火災後沒有升降機，當局卻「乜都無安排」：「咁你都無辦法，30樓點上呀，唉，上到去都落唔到嚟。」