【獨媒報導】政府續安排宏新閣居民上樓執拾，住在高層的吳小姐與七旬父親上樓，她感嘆在與愛屋道別後，需要開始新生活：「完啦，要開始新嘅生活啦，即係冇辦法再咁樣望落去，都過咗去。」
吳小姐在上樓執拾後再次接受傳媒訪問，指事隔五個月重回宏福苑，感覺唏噓，但慶幸單位狀況「還可以」。吳小姐已居住在宏福苑30多年，她指大廈及單位燻黑的畫面感覺陌生：「我從來未見過我以前喺度玩嘅地方變成咁，一行去後樓梯嗰啲好陌生，真係好陌生，原來係咁樣㗎⋯⋯燒通咗原來係咁樣，冇諗過。」
在執拾期間，吳小姐成功尋回大部分預期中的物品，包括一些較貴重、具紀念價值的東西，例如畢業證書、結婚相和長輩遺物，「大部分需要、貴重同有紀念價值嘅嘢，想要嘅都盡量執」。此外，她亦盡量從櫃中取回沒有被燻黑，及碳化的物品和電子設備。
廚房被完全焚毀 後樓梯因窗戶破爛感覺通爽
至於單位內的情況，吳小姐指「不算太差」，惟廚房已被大火完全焚毀、天花燈破裂、牆壁和地下同被燻黑。她慶幸今日天氣晴朗，而諷刺地後樓梯的窗戶已完全破爛，在行樓梯時感覺通爽，不算太辛苦，「冇落雨好好彩」。
在上樓的時候，七旬父親亦因重返愛屋充滿動力，在落樓時則感到較辛苦，吳小姐笑言爸爸「打咗興奮劑一樣」。她又大讚警察、民安隊人員和十分幫忙，在上樓梯期間提醒他們要停下休息，並替他們運送幾乎所有物品落樓。
母親未能上樓 當局日後能讓居民再執拾
不過，吳小姐提到母親今日未能上樓執拾，希望當局日後能讓居民再次上樓：「我哋就基乎上晒㗎啦，淨番媽咪上唔到嘅啫，如果下次有機會就媽咪都翻上去，但係就有機會先。」
被問到日後計劃，她表示盡量希望跟從政府的住屋安排，「睇下政府點安排，因為so far 我哋想跟佢住屋嘅，但係要抽囉，咁就好似抽卡咁抽，唔知抽唔抽到」。