【獨媒報導】今日是政府安排宏福苑居民上樓執拾第一日，首批上樓是79戶宏新閣居民。有其他待上樓的居民到場了解及視察環境。居住在宏仁閣高層03室單位的居民李先生，獲安排本周四（23日）上樓，特意今日前來了解流程不果。他指單位雖已「total loss」，但仍然希望回家，哽咽道：「我諗每一個居民唔甘心唔返去，喺度住咗30幾年，點都對佢有感情，無可能唔返去，真係唔甘心。」
所有團體支援暫停質疑有壓力
李先生今早欲進入廣福社區會堂了解情況，惟被拒內進，他步出封鎖線後向記者稱「佢連去社區會堂行近少少都唔俾我去」。他指居民訴求卑微，盼召開業主大會一同商討後續安排及流程。對於所有志願團體的上樓支援被「剎停」：「所有對我哋支援完全取消晒，我唔知道啲團體受咗啲咩壓力，政府俾咗啲咩壓力。」李先生的妻子行動不便，屆時只能自己一人，由社工及民安隊陪同上樓。
對於上樓安排，李先生指「我返去我屋企，屬於我自己地方都咁卑微，好似向佢乞求咁樣，呢個係咩嘢世界，啱唔啱呀？我好想知個日我想上咗樓之後，你用香港邊一條法例趕我走呢？嗰間屋係我㗎喎，我係咪有權利留我間屋企執拾我啲嘢呢？」
根據當局提供其單位的圖片，很大機會已「total loss」，但李先生仍會回去：「我諗每一個居民唔甘心唔返去，喺度住咗30幾年，點都對佢有感情，無可能唔返去，真係唔甘心。」他期望能找回樓契、保險單、金飾等，但坦言「啲金飾唔知喺唔喺度，單位有無俾人爆竊，道門就肯定爆咗，空空如也。」
為上樓不覆診
李先生將於本周四上樓，他本身需要到醫院覆診，「我想改日子都改唔到，唯有唔去覆診。」
李先生亦提及政府的災後應對，他認為「一無是處，亂到極」，至今仍未整合非牟利機構援助清單。他指事發後留院十多日，出院後靠自己一日跑十多小時到不同機構申請，惟不少機構因「先到先得」已派發完畢。他又指與「一戶一社工」溝通較少，對方僅協助申請政府及少部份機構的資助。
促宏業及黃碧嬌出席聽證會
對於正進行的宏福苑獨立委員會聽證會，李先生則認為「無用㗎，關鍵人物都出唔到嚟，完全無法定權，愈聽愈火滾，大家都知道啦，根本不斷推搪掩飾。」他指建築商宏業及民建聯區議員黃碧嬌必須出席，其中指後者與「黨羽」控制業主大會，「明目張膽大大疊授權票，抌落去嗰個投票箱度，場內喧嘩咪一樣照做。」