【獨媒報導】宏新閣居民一連三日上樓執拾，今日到高層住戶，居住在25樓的吳先生，與年逾七旬的父親行樓梯返屋企。在事前已知道屋企「total loss」，吳先生落樓時只攜著兩個尼龍袋及拐杖椅。他回家時從窗外望出景色，形容恍如有多層「隔膜」：「有少少與世隔絕，好似出面依然咁繁榮，但係入面好頹垣敗瓦，好似兩個世界，變咗好大反差，完全覺得點解出面依舊，但係呢度停留住喺半年前嘅時空，已經好似平行時空咁。」
吳先生在執拾後接受記者訪問，指家中的「倖存者」只剩餘舊相片、玻璃樽、鐵盒、陶瓷杯、花樽及硬幣，稱「都冇乜嘢拎㗎啦，間屋都已經燒晒冇嘢拎到」：「都冇乜特別紀念價值，不過我見佢係一個倖存者啦，拎走當留一個紀念，既然佢咁頑強生活下去啦，咁我叫做有一個記憶俾自己安慰，大家都要堅強下去生活」。
在上樓執拾之前，吳先生在看到「一戶一社工」相片後已作心理準備，惟相隔數月再次回家，一時間仍然難以接受：「好難以想像，發生啲咁嘅事⋯⋯依家唔係一間屋，係1,900間屋都係咁，即係一個匪夷所思嘅事。」不過，吳先生無法找回爸爸最想找到的結婚相片及嫁妝。他表示，即使再有機會亦不會上樓，「因為都執晒嘢所有執到嘅嘢」。
家人心情麻麻地 內心創傷非一間屋能彌補
此外，吳先生的媽媽無法上樓，只能透過WhatsApp 視像通話。他指家人心情「麻麻地」，因為該單位是父母的第一間安樂窩：「當睇到嗰一刻都係唔開心嘅，因為我哋都係由細住到大，我由1歲喺度住。」他坦言，即使將來購入新屋安置下來，「但係你回憶、內心創傷，唔係話一間屋彌補返」。
談到單位內情況，吳先生稱地下約有半呎厚的灰燼，所有現金已被燒毁，只餘下已燻黑的銀幣，並要使用鏟子掘地尋找物件。
部份鄰居單位情況惡劣 感恩「活着就是幸運」
在樓梯方面，吳先生認為政府的的安排尚算不錯，社工亦陪伴上樓。他指當局在每層樓梯都設有椅子，並提供樽裝水，爸爸每到一層都需要坐下休息。
然而，他看到有鄰居的單位情況非常惡劣，即使另有有部份單位未被燒毀，狀況亦不算良好：「其實我覺得活着就是幸運，即係最緊要個人冇事啫，你話錢財記憶係冇咗⋯⋯腦海中記住啦自己。」