【獨媒報導】大埔宏福苑七棟大廈受災居民，今日起陸續上樓執拾物品，包括宏新閣78戶、約270人。居住在低層單位的鍾先生今早上樓執拾物品，並與在火災中不幸罹難的愛貓告別，他特地在牠平日睡覺的地方作最後道別：「叫咗兩聲，叫佢投胎。」
鍾先生今早與親友上樓，花約兩小時執拾物品，並向記者展示物品包括衣物、一部電腦及一幅掛畫，「呢幅畫我搬咗幾次屋都係跟住我」、「跟咗兩間屋，我諗又冇事咁咪攞返囉」。他又展示了一張購自西藏的印刷圖案，說「可能保佑我屋企」。
談到重返住所的心情，鍾先生自言心情奇怪，指在完成上樓執拾後，便要專注為日後生活打算，「依家攞番晒啲嘢都唔知擺邊」。他又提到，飼養的愛貓在火災中罹難，遺體已由消防員從單位取出，今日再次進入單位感到傷心，並特地到愛貓平日睡覺的地方跟作最後道別。
指單位損毀不嚴重 衞生情況較想像中好
至於大廈及單位內部情況，鍾先生指單位損毀情況不嚴重，本身亦清楚物品擺放的地方，所以較快完成執拾，認為3小時尚算充足。此外，鍾先生指樓梯被燒至燻黑，苦笑指樓梯較想像中通爽：「開頭以為會好焗咁，原來唔係嘅，有啲窗已經燒爛晒啦，都通風囉都叫做，呼吸嗰啲都OK囉。」
他續提到，單位內的衞生情況亦較想像中良好，「開頭我哋以為會好臭，同埋好多蟲」，但指單位內部較焗促，「好熱囉裡面，可能真係要開下窗」。
被問到上樓安排，鍾先生就表示，感覺當局只希望居民「上一次樓」：「佢都盡量想我哋一轉算㗎啦，即係執好晒就擺喺電梯口，跟住堆埋曬一堆咁，佢有啲民安隊都幫我哋搬落去囉，警察都有幫手幫我哋搬落去。」
等候特設銷售計劃最新進展 嘆只能「等運到」
記者關注往後的住宿安排，鍾先生坦言感到惆悵，「依家個樓價已經升咗好多」，現時仍在等待當局的「特設銷售計劃」最新進展。不過，他指抽籤安排令街坊之間看似要互相競爭：「等運到囉而家，都係要等下一步睇下點，見步行步。」