【獨媒報導】大埔宏福苑居民上樓執拾第八日，居住在宏昌閣22樓、原址重建聯署發起人之一張先生，他在4年前購入該單位，一直對屋企能望到海情有獨鍾。張先生坦言，對日後安排感到徬徨，慨嘆即使付出雙倍價錢，購買同區位於白石角的單位，海景亦不及宏福苑。他更指在上樓執拾後，對希望原址重建的意欲亦更大。至於會否有後續行動，包括收集聯署向政府爭取原址重建，他就嘆氣說「唔敢講」、「依家好敏感」。
在完成執拾後，張先生顯得沒精打彩，更要用濕紙巾抹手。他接受記者訪問時指屋企「黑晒囉」、「我都唔識講」。在單位內，他取回十多袋物品，包括不少收藏品，例如人形公仔、大學畢業證書。他指物品「有能力買得返」：「嗯，但撻地方好似好難囉。」
在大火當日，張先生在家中，乘坐電梯逃生，當刻攜同飼養的愛貓及雀仔離開，「幾時都慶幸走得甩」：「你入去大堂就知幾大鑊，幾嚴重㗎啦。」他指上樓期間最感慨的不是執拾物品，而是整個單位：「個單位可以望海，可以去邊度搵得返呢啲地方呢？」
在上樓之前，張先生並沒有收到「一戶一社工」提供的單位相片，上樓後發現單位燒得非常嚴重，「黑囉」：「感覺就係，如果嗰日無走都應該死㗎啦，真係死硬。」他原欲在單位內拍照留念，以懷緬昔日看到的海，惟屋內的窗戶已「燒到灰晒」。
在訪問中，張先生多次表示，對屋企被燒成一片黑色感到驚訝，指已申請再次上樓執拾。此外，他指民安隊及警察非常幫忙，協助將物品運送到地下。
努力工作四年前購入單位 對宏福苑海景有感情
被問到日後打算，張先生坦言不知道，形容當下十分徬徨。他指政府的「特設銷售計劃」，居民既要抽籤亦只能選擇入住細單位，假若不希望入住細單位，只能等待頌雅路西項目：「我自己就自由市場買嘅，我就買500多萬，可能大家會覺得貴啦，但如果大家知宏福苑有幾正，就唔會覺得貴，全部望晒海其實OK。」
張先生自小與父母居住在廣福邨，指十多歲便努力上班賺錢，4年前「買咗個自己好鍾意嘅地方」——宏福苑。今次大火最令張先生感到徬徨的是，「我日後會唔知會住返啲咩地方」，他指宏福苑既鄰近父母，自己亦對單位望海有感情：「佢對我嚟講好似係一個獎項，係一個trophy。依家感覺係，想政府起返俾我哋（原址重建）都好似好難。跟住抽嗰啲樓又要焗住細單位，或者派去東涌我哋未住過嘅地區。」
在政府提供予宏福苑居民的長遠居住安排中，不包括原址重建的方案。財政司副司長黃偉綸曾解釋，由於等候時間太長，「超過5年嘅方案就唔係真正幫得到」。
嘆雙倍價錢購買白石角單位 海景亦不及宏福苑
張先生表示，即使原址重建要等候10年亦問題不大，在上樓後對希望原址重建的意欲亦更大：「特別再望多一次個海就覺得⋯⋯唉，真係搵唔到。」
張先生苦笑說，即使付出雙倍價錢購買白石角的住宅，「個景都無咁靚」。至於會否有後續行動，包括收集聯署向政府爭取原址重建，他嘆氣說「唔敢講」：「依家好敏感，我覺得我哋居民自己做咗好多嘢，嘗試去保障我哋屋企，但係好遺憾做唔到啦。好似每個部門都做少咗一步，令到呢件事發生，但而家我哋只係想政府做咗一步，令返去嘅人有呢個選擇，好多情緒同未來嘅嘢唔使擔心。」