【獨媒報導】宏福苑宏仁閣、宏新閣及宏泰閣今日開始第二輪上樓，宏泰閣低層住戶郭太太上樓後表示很感恩可以見回鄰居的子女，並哽咽指很多相熟街坊都於大火中喪生，亦不捨得要日後與其他街坊各散東西。隨著政府提出收購業權，她表明希望留在大埔區，強調政府「樓換樓」方案「冇一個啱我」：「地區又太遠囉，啱個地區勉強鍾意啦，近大埔啦（頌雅路西方案），要我等4年。東涌唔會去啦，將軍澳嗰啲地方真係唔識，總之都係好兩難。」
郭太太今日上樓拾回一把雨傘及兒子的八達通，「唔係好重要，都好過冇啦，冇爛到」。她指單位「燒晒」，上次上樓都空手而回，很開心可以再上樓拾回少少「紀念品」及在單位內「慢慢再回味吓」。
郭太太
她指很感觸再次見到鄰居的子女，並一度哽咽指很多相熟的街坊都在大火中喪生：「大家見到，我哋識得好耐，佢阿媽（因大火）唔喺度，我哋兩個咁啱可以相聚。」她強調很感恩可以與她們重逢：「佢兩個仔女，細細個我已經睇佢哋大，大家見到都好感恩。」日後或與街坊各散東西，郭太坦言不捨：「唔識得諗啦，總之想盡快（安頓），個個都心情唔好啦。」
對於政府提出收購業權，郭太就稱：「一步一步囉，暫時我哋焗住都要啦，六月一定要做啦嘛。」不過她坦言時間緊迫難做決定，不知希望政府提供可供選擇單位的間隔、大小及座向：「個地盤都未起，仲係爛地，我哋點樣研究呢？」她又表明希望留在大埔區，指政府的「樓換樓」方案「冇一個啱我」：「地區又太遠囉，啱個地區勉強鍾意啦，近大埔啦（頌雅路西方案），要我等4年。東涌唔會去啦，將軍澳嗰啲地方真係唔識，總之都係好兩難。」她指現時自己暫居於啟德過渡性房屋「啟福居」，丈夫暫居兒子於大埔的屋企，但她不時會回到大埔返教會，慨嘆「騰來騰去都幾個鐘㗎」。
雲先生
遺屬稱政府需多溝通 指居民情況不一難有共識
宏新閣中層住戶雲先生的單位受大火波及「燒晒」，哥哥亦在火災中離世，他指今次上樓只能在灰燼中盡量尋找，慶幸取回部份遺物，包括爸爸生前的日記本、證件與少許神像。他又稱希望取回祖母的神主牌，不過最後都未能尋回。
談到有家人於火災中離世，單位又化為灰燼，上次上樓心情較為難受，「好似乜都冇晒」，最終亦需要改期上樓，並在家中悼念哥哥。他指今次心情較為平靜，但至今仍然難過：「一個活生生嘅人燒到好似炭咁，昨日佢仲可以同你講嘢，今日就變成咁，係難受。」
雲先生指政府需要理解宏福苑居民「屋企所有嘢都燒晒」，建議多與居民溝通，避免產生矛盾。對於是否支持舉行業主大會，他認為當中一定有很多意見：「一定係有人滿意，有人唔滿意，其實開只不過係形式，之後都係會有好多問題。」他強調每戶情況不一，難以達成共識，應該由政府主動與逐家逐戶溝通，部份遺屬亦擔心未必可於限期前趕及業權轉讓程序。
支持原址重建 惟今只能「跟返政府」
他又主動談到要體諒支持「原址重建」的居民：「佢哋真係有嗰個思鄉（感情），即係好似香港同中國咁樣，個故鄉係咁樣，即係要體諒吓溝通，唔係話打擂台咁，政府有政府諗法，居民有居民諗法。」他表明如果有「原址重建」方案可選擇「都會支持」，很懷念從小成長的地方，但現時只能傾向「跟返政府」出售業權。