【獨媒報導】大埔宏福苑火災後近8個月，接管了宏福苑法團的合安終於首次召開特別業主大會，不過開會地點卻分佈大埔、啟德、香港仔及天水圍四區。多名居民不滿合安做法，無法聚集居民意見，又指對大會沒有太大期望，宏建閣住戶李先生表示：「咁大件事，搵個地方容納1,900多户業主，係咪咁困難？會唔會學校都做到？」他強調街坊之間想交流，有意見想發表，「但佢哋好似好擔心，話你哋聚埋一齊，有好多問題影響到喎。」他雖然不認同，但指居民都無辦法、「無say」，諷刺指因為合安是「專業」。
居民提早兩小時粉嶺到啟德
在啟德社區會堂早上9時左右，有接送住在過渡性房屋居民的旅遊巴抵達現場，警方在社區會堂外設立傳媒採訪區，指「場主」要求不能在社區會堂範圍拍攝。
本身住宏仁閣、現自行租屋暫居在粉嶺的吳太，今早未到9時已抵達啟德社區會堂。四個業主大會選址之中，她原本首選大埔，但不中籤，被派到第二選擇啟德，又因不熟路而提早出門。她嘆，相信今次是最後一次業主大會，但對會議沒有期望，因為有部份想討論的議程被刪除，例如第三次上樓安排。她又指，在啟德場地只能觀看現場直播，相信沒有機會發問，並批評今次開會安排令業主四散各處，無法聚集表達意見。
何小姐
何小姐一早到大埔爭取入場：洗乜走去天水圍睇轉播？
宏盛閣住戶何小姐獲分派到天水圍，但她一早仍到大埔碰碰機會入場，又指有街坊至今仍未收到訊息通知開會地點。她坦言對合安的安排感到荒謬：「我15分鐘唔洗嚟到呢度，天水圍一個我唔識嘅地方我點搵呢？可能要嘥個半鐘先去到。」她又認為合安以場地有限為由分散業主並不合理，「係誤導全香港市民」。除了大埔現場，其他會場只會作轉播，何小姐表示：「如果轉播或者睇zoom，咁我同屋企睇電視冇分別，我洗乜走去老遠天水圍睇？」
對於部分聯署業主要求討論的議程被抽走，包括宏福苑後續處理方案、要求公開樓宇勘察報告和准許多次上樓執拾。何小姐強調所有議程都重要，質疑「咁想問係咩時間討論？等埋賣業權先可以討論咩？」她特別提到已多次要求公開勘察報告，但合安都以「雨季持續監察」為由推塘，並希望有提問時間，但不抱太大希望。
李先生
居民嘆「無say」 諷合安是「專業」
獲派大埔的宏建閣住戶李先生表示，對今日特別業主大會「冇咩期望」，合安擬定的議程與上次簡介會沒有大分別，上次簡介會合安表現不理想，希望今次業主大會合安可以向業主提供更重要的資訊，包括維修方面内容，因為資訊關乎街坊是否賣業權。
李先生又認為，合安是居民業主與政府的溝通橋樑，希望合安可收集街坊意見，向政府反映。他舉例，例如居民關注大埔頌雅路西選址何時興建、落成時間等，「不過會唔會喺現場（特別業主大會）問到，我相信係好大個問號。」
李先生批評是次合安安排不周到，4個場地分散居民，「大埔搵個地方，集合埋街坊有咩問題可以發表到，係咪先？」，「咁大件事，搵個地方容納1,900多户業主，係咪咁困難？會唔會學校都做到？」他又擔心，街坊是否真的能現場提問，抑或問題只會由合安揀選回答。他指，街坊之間想交流，有意見想發表，「但佢哋好似好擔心，話你哋聚埋一齊，有好多問題影響到喎。」他不認同，但指居民都無辦法、「無say」，諷因為合安是「專業」。
盧先生
居民指未收到開會通知
居住在宏道閣的盧先生今早到達大埔社區中心會場，他指，自己僅從Facebook群組知道今日有會議，他沒有事前登記。盧先生在場內逗留約一個半小時後離開，轟安排「好差、好差」、對合安極之失望，自己無收到事前開會通知，今日到場只能長時間等候，最終僅獲安排到轉播場地旁聽。
盧先生曾在入場前被問及會否擔心因未登記而不能入場，他回應：「我係宏福苑業主，你可以查電話、查我係咩名，我俾身份證。你冇人通知過我。」
盧先生在進場前表示，政府要更有同理心、設身處地考慮宏福苑退休人士、銀髮一族，提供更多支援，「唔係俾間屋我哋，由我哋自生自滅，我哋係冇咗間屋，我哋係冇晒。我哋係揸住手頭上有限積蓄過生活，咁知奈何落去係燒咗。」自己亦想知清楚大火後屋苑財務帳目，在大會上問及大維修基金退款金額為何不多。
他又指，自己本來打算退休，大火後自己消瘦逾20磅，「點解呢？因為我冇咗個家。你依家俾返我住，但嗰個唔係我家」。
謝志宏
居民嘆議程全由合安決定不求期望
在香港仔華貴社區會堂方面，宏道閣住戶、牧師謝志宏無奈指，議程全都由合安決定，不奢求有甚麼期望，「唔敢點期望啊而家我哋啲居民，佢話乜就好似話晒事咁」。他表明希望增加部分早前刪去的議程，例如公布大廈損毀情況的勘察報告。他早前向政府查詢ICU和香港大學合作研究石屎問題的結果，已獲電郵回覆，但不清楚為何不能讓公眾查看。
謝志宏續指，本身首選大埔社區會堂，但最後被派至華貴，相信街坊也較熟悉大埔，認為大埔較適合，不解現時安排，「唔知佢點解會咁安排」。
謝志宏表示，沒有簽署業權收購書。被問到會否擔心因沒有出售業權而無法優先揀樓，他認為政府提供的並不是居民想要的選項，而且仍然不肯定頌雅路西單位的具體細節，例如入住後附近斜坡的維修責任等，長者亦不習慣在較偏遠的地區居住，「優先抽都未必抽得到嘅，抽啫佢講緊。」
至於會否考慮在8月31日之前出售業權？謝志宏無奈指，現在唯有「見步行步」，「而家都唔係我哋決定得到。」他續說，政府曾提到會考慮用特別立法的方式來收購餘下業權，他諷刺指：「最好佢就立法要拆晒宏福苑囉，佢話立法㗎嘛，咁就千祈唔好縮囉。」、「如果立法，對於全香港嘅業權同私人樓宇都係好大嘅警號嚟嘅。」
梁伯伯
七旬業主稱不討論原址重建感失望
75歲的梁伯伯是宏盛閣的業主，現居於位於博愛江夏圍村的過渡性房屋，今日被派到天水圍開會。他表示，今日出席業主大會，最希望能得知有關保險賠償進度。對於合安一直以來的安排及跟進工作，梁伯表示失望：「合安直頭係做得唔夠，因為我哋要求嘅十樣嘢，佢做咗三樣㗎咋，咁你話做得夠唔夠喇？」他又指最不滿是今日的業主大會，業主卻被安排分散到港九新界開會。
此外梁伯指希望能原址重建，指自己的單位「空氣好風水好」，可惜政府已表示重建無望，今次業主大會亦不會提及，梁伯坦言「好失望」。他至今仍未簽署賣業權稱：「驚賣咗之後保險唔知攞唔攞到，因為佢話歸業主，賣咗之後我哋就唔係業主，就唔屬於我哋喇，以後有咩賠償都。」