【獨媒報導】政府今日公布宏福苑居民上樓執拾安排，每戶將獲編排指定日期、限時3小時。《獨媒》訪問四名居於宏昌、宏盛、宏新、宏建閣居民對安排的看法，大部分人認為3小時很趕急。受災情況輕微的宏建閣業主，認為政府所指「斷捨離」前提是有足夠時間收拾，指起碼應提供一天時間，否則住戶只會有牽掛，要求再次上樓，「我哋平時去旅行執篋，都執個幾兩個鐘啦，更何況今次係咁大規模嘅搬家？呢個搬家可能得一次機會。」亦有年長街坊擔心年紀大記性差，「唔記得啲嘢放喺邊」，希望有多一次上樓機會。
宏盛閣七旬伯伯：年紀大記性差需時間「搵物件」 盼有多一次上樓機會
70歲黃先生住在宏盛閣28樓。他根據火災當的CCTV推測，自己的單位沒有燒毀，預料可讓4人進入，屆時將與65歲的妻子及他們的兒子一同上樓執拾。雖然當局不建議年紀大的長者上樓，但黃先生自言有行山習慣，有信心可以慢慢行上單位，「唔使一次過嘅，行幾層就唞唞咁囉。都冇辦法啦，行到咪行，行唔到咪唔行，起碼有機會畀你返上去先啦。」
黃先生說，主要想回家取回證件、金器等貴重物品，但認為只有三個小時的「一次性上樓」未必足夠。他解釋自己年紀大，可能會「唔記得啲嘢放喺邊，收收埋埋，要諗吓（物品位置）」。他們亦無法一次過帶走太多物品，因黃先生現時暫居內地，但想將物品暫存在香港，免得將來回港居住後要「攞來攞去」：「睇吓有冇人收容先，見步行步啦。」
他希望，當局可以在一、兩個月後，容許居民再上樓一次，盡量有走有紀念性的物品：「你知老人家好多嘢（財物）。」 他又說即使不捨得，也要斷捨離：「冇紀念嘅嘢由佢啦，始終都被人收（樓）啦，政府要你賣，你可以唔賣咩？」
宏建閣受損輕微 業主盼研開放升降機
宏建閣高層業主林先生得知政府將開記者會，今天中午特意請假觀看直播。林先生指3小時收拾並不足夠，認為起碼要有一整天、甚至不只一次上樓機會。政務司副司長卓永興曾指居民要有「斷捨離」準備，林先生認為：「斷捨離意思係搬完，我哋唔再上去。但係我哋搬到一半就要走，反而會令我哋再次爭取再上去一次。正常搬家其實都係一日時間，直接幫你斷捨離，就唔需要再牽掛。反而咁樣最理想，最能夠斷尾。」
林先生
宏建閣僅1個單位受較嚴重損害，林先生指正因如此，街坊會有更多家當需要搬走，也相信宏建樓宇結構較安全，認為街坊應該可以逗留更久。他預計自己要不少時間搬運金器、家電、結婚照等。
林先生亦指宏建閣受損輕微，希望政府能簡單檢查升降機是否真的不能使用，「升降機載人安全要求相對高，但如果只用嚟運貨，對老人家嚟講係幫到好多手。」他解釋自己試過行樓梯回家都「就斷氣」，很多街坊是老人家，體力有限，希望政府可以研究開放升降機，令街坊更大機會可以上樓，「親身上去對街坊都好重要。」
宏新閣嫲孫將齊上樓 不滿日子與聽證會重疊
宏新閣14樓住戶 Dorz 是第一批上樓，日期為4月20至22日，但 Dorz 將於21日才返港，已經告知一戶一社工自己只能22日上樓。他擔心短短三天時間，可能會有街坊未能安排時間、甚至不在港，政府也沒有明確回應會如何解決，是考慮不周。他也表示3天都和聽證會日期重疊，對於希望旁聽的居民並不理想。
Dorz（右）和嬤嬤（左）
他又形容限時3小時執拾是「好笑」，「執唔晒咁點算？佢冇講。點解要 set 一個 deadline 要我哋一定要執好？」對於卓永興回應能否再安排上樓，指居民有「強烈訴求」可告知一戶一社工，視乎實際情況決定，Dorz 認為解釋不清，質疑：「你唔係應該諗好㗎咩？」
與 Dorz 同住的87歲嫲嫲一直希望親身回家查看，向他表示「慢慢行唔緊要，想有個好好嘅道別」。Dorz 指屆時會協助嫲嫲取走照片、已故爺爺的遺物，自己則會帶走一些有紀念價值的事物、獎牌、公仔等。他指收拾過程需時考慮帶走什麼家當，心情也要時間消化。他又指尤其有些單位完好，很多東西搬運，更不可能3小時之內能夠整理完。「個感覺好似：我而家返屋企，但我要問你我可唔可以返屋企。」
Dorz 不清楚自己單位損毀情況，他已作最壞打算。稍後一戶一社工將會告知單位情況，他指無論如何，都會親身上單位。就算單位損毀嚴重，不能安排4人上樓，Dorz 指都會爭取至少兩嫲孫能夠一起回去，「你唔可能叫老人家自己上去。」
宏昌居民盼提供時段供居民選擇
宏昌閣中層居民 Ann 則表示，政府安排3小時已經比她想象中多，預計今次是唯一上樓機會，「知道之前（宏志）係好少時間，所以都要接受。」Ann 最希望取回有紀念價值物品，包括母親贈送的禮物和舊照片，她指收拾時間是否足夠，視乎單位損毀程度，未能斷定是否足夠。
至於宏昌閣開放上樓的時段，Ann 指其中兩天有機會與她上堂日子相撞，帶來不便，認為較理想是政府提供幾個時段供居民選擇。Ann 又估計同住的70多歲父親體力未必能應付行多層樓梯，不過父親都希望上單位查看，需要再與他商量。