（獨媒報導）房屋局局長何永賢昨日在（5月27日）Facebook發帖指，周一接待了工聯會立法會議員鄧家彪組織的宏志閣業主「睇樓團」，除到樂富房委會客戶服務中心外，亦前往九龍灣盛緻苑及啟德啟陽苑外圍參觀。鄧家彪向《獨媒》表示，政府寄出「接受收購建議信件」後，收到不少宏志閣居民查詢填表及居屋詳情，故決定舉辦「睇樓團」，一共接獲40多戶「報團」。
鄧家彪指宏志閣居民盼重新出發
連日來，有宏福苑居民透過不同方法，表達望原址重建或復修的訴求，鄧家彪表示，他一直接觸的百多名居民，未有向他反映，「最近都冇街坊同我講話『阿彪不如你同政府講嗱，我原本就想安置，我都覺得返去好啦』就冇，起碼我接觸過佢哋，都係最多係糾結於俾我第三次返去攞嘢。」
至於未受大火波及的宏志閣是否應修復？鄧家彪認為「會令到成個而家方案停住咗喺度，咁有啲複雜嘅。」引述有業主向他稱「希望重新出發」，至於表達意見方法，他指「大家都覺得能夠用一個書面嘅形式表達，簽個名意向就最實際。」
鄧家彪
26戶出席「睇樓團」
鄧家彪表示「睇樓團」當日，有26戶、共40名居民出席，政府安排5個「解說專員」，介紹10個屋苑落成時間及周邊配套，以及解答他們填表、居屋入伙、業權轉讓等問題。稍後將再次舉行，「仲有20幾個家庭排緊隊，我要即係搞第二次」。
政府目前向宏福苑業主提供三個安置方案，包括領取現金、「樓換樓」 或「特設銷售」計劃」。他表示「睇樓團」目的讓居民更了解三個方案區別，並解答技術上問題，事後居民多數反應滿意，「可以除咗電話同解說員傾到之外，咁實際都面對面可以傾到，個氣氛幾好嘅。」
何永賢社交媒體圖片
何永賢社交媒體圖片
何永賢社交媒體圖片
他提到，居民並不排斥新界區的單位，指居民原以為錦田位置偏僻，經解說後得知位於錦上路站上蓋，即時反映「咁就揀得過喎」。鄧家彪認為當局需更更多現場講解：「佢哋就會踏實啲」。
此外，鄧家彪指很多居民不掌握「樓換樓」及「特設銷售計劃」分別，亦有年長居民擔心失去領取長者生活津貼資格，「俾現金券你就唔會失去（長生津）資格，咁佢哋一聽就明。」
他盼政府透過今次「睇樓團」，以不同方式向居民解說，「政府既然而家都想留個空間俾佢哋諗，關鍵就係究竟佢掌唔掌握啲信息，希望政府喺呢個過程裏面再做足啲。」他指距離6月30日限期尚餘一個月，籲其他議員協助舉行「睇樓團」。