【獨媒報導】宏福苑七幢受災大廈居民繼續上樓執拾，現年85歲、宏泰閣居民冼善卿今日首次回家上樓執拾，重申「召開業主大會是必然的事」、「如果你想擺脫自己嘅嫌疑」。對於早前收集發起聯署要求召開業主大會、宏福苑前法團委員江祥發，在遭警方拘捕及獲保釋後已「封口」或再沒有人要求召開業主大會，冼善卿稱「大家都知乜嘢事」、「我哋唔會怪佢」：「但都喺你哋面前講一句，我要開業主大會！我要返嚟宏福苑，我要返屋企。」
在宏福苑大火當日，冼善卿獲消防員救出，是這場大火的倖存者。她在早前聽證會上作供提到，消防員在帶領其落樓梯逃生時，不忘帶走地上一具遺體，令她直到現在仍很感動，大讚他們專業及是香港的驕傲。
冼善卿今日首次回家，她在上樓執拾前接受訪問，對政府的宏福苑援助基金有微言，指基金列明32億元用作宏福苑重建，惟質疑現時感覺是有人想盡辦法從中取利，例如將善款收購居民業權，「兜個彎將善款擺咗喺政府個袋」：「咁你點對世界人講說話呀？點解香港政府會係咁呀？我哋香港人嘅面擺去邊呀？唉，點解會咁㗎呢？」
另外，冼善卿指已市民知悉情況後，已「兜個彎」將善款捐予仁濟醫院、東華三院，「都唔過你政府手」：「你自己好好檢討吓啦，不過我講就多餘啦，佢識檢討就唔會做呢啲嘢。」
傾向「樓換樓」惟有抱期望
對於長遠居住安排，冼善卿稱「大家都知我幾多歲」：「我仲係咪等得到呢？我都係趕快要將個業權放去啲仔女度，我預咗等唔到，求其搵返間咪算數囉。」
不過，冼善卿稱目前傾向「樓換樓」，但對能獲得與宏福苑相同呎數的單位表示不抱希望，形容是無語問蒼天：「因為我哋一嚟唔係專業人士，二嚟又無博彩命，三嚟我丈夫係長期病患者，我一個人養大四個細蚊仔，都唔荒有咩積蓄，佢哋賺到錢都一定要攞返嚟，仲有幾多多餘嘅錢，係呢380萬買唔到嘅樓呢？好啦，當我哋儲到一百幾廿萬，買埋落去以後食乜呢？佢哋都到退休年齡㗎啦。」
另外，收集發起聯署要求召開業主大會、宏福苑前法團委員江祥發與妻子遭指涉嫌騙取政府「百分百擔保特惠貸款計劃」數十萬元貸款，遭警方重案組拘捕。江祥發在保釋後表示「封口」，不會再作任何評論。
指召開業主大會是必然事 不會怪責江祥發「封口」
在訪問尾聲，冼善卿重申，「召開業主大會是必然的事」、「如果你想擺脫自己嘅嫌疑」。被問到江祥發「封口」，或再沒有人要求召開業主大會，冼善卿稱「大家都知乜嘢事」、「我哋唔會怪佢」：「但都喺你哋面前講一句，我要開業主大會！我要返嚟宏福苑，我要返屋企。」
冼善卿自言「無江生咁有power」：「我自己敢喺你哋面前講呢啲說話，我已經覺得自己好叻，目的就係要開業主大會，我唔相信政府係聽唔到。」她明言，假若政府願意用熱心對待港人，「香港人可能唔會慘嘅」，強調不會當成最後一次回家，「每次搭車經過我都會望住我好鍾意嘅家園」：「白鷺日出覓食，晚間歸巢，嗰瞬間嘅景致，你哋可能未必有機會見過，但係我差不多日日都見，你叫我點捨得。」