（獨媒報導）狗隻入食肆下月實施，食環署在1,616宗申請中批出1,000個餐廳名額。本港此前一直禁止狗隻進入食肆，就算是寵物友善食肆，狗隻大多只能留在店外。《獨媒》訪問兩間落選食肆，了解在法例侷限下招待寵物之難。有店主吸收多年經驗，盡量為狗隻開拓合法室內空間，但仍每週收到投訴；有店主則坦言要承受法律風險，但自己身為狗主，知道帶寵物外出吃飯困難，希望作為食肆可以出分力。他們都希望政府可增加牌照名額，令更多寵物友善小店中籤。
「2.0 cafe and bar」右邊是食肆範圍，左邊是零售區。
為符法例 分割食肆、商舖
寵物友善食肆「2.0 cafe and bar」2023年在啟德郵輪碼頭開業，餐廳外為寵物友善天台公園。室內則分開兩部分，一邊是狗隻不能內進的食肆範圍；另一邊是零售區，販售寵物用品，地方空曠可供寵物與主人玩樂，有狗主就會選擇在餐廳外賣後到零售區休憩。
負責人Derek解釋零售區並非食肆範圍，狗隻可以進入，不過餐廳不能提供餐點服務。他說將食肆、商舖劃分是根據多年經驗設計，希望在法例掣肘之中，盡力為寵物提供室內空間：「呢度一裝修已經係為咗fulfill舊有法例。你見啲狗狗嚟玩好開心，主人又可以食嘢有冷氣，唔使好似好低等，坐街邊、撥晒扇。」
Derek本身喜歡小動物，希望為一班寵物主人提供聚腳點，因此早於2020年已經在元朗開寵物友善咖啡店，當時大部分商場仍未實行寵物友善政策。及至後來在啟德開店，一班熟客仍會駕車前來光顧。
前方是零售區，後方是食肆範圍。
在零售區只能外賣，使用木餐具。
選址偏遠「避開人類」
到訪「2.0」，需要先搭升降機到郵輪碼頭天台公園，再尋找另一部指定升降機才能抵達，記者看著告示和A、B區的地圖還是繞錯路，Derek笑言沒有看過餐廳在社交平台發布的路線圖「唔會識點嚟」。
一般食肆都希望有人流，偏偏「2.0」選址較冷清的郵輪碼頭，Derek說原來是有意遠離鬧市，「多數啲人開餐廳係想人流，我哋係有心去避咗啲人類。」他知道難免有客人討厭寵物，希望減少衝突：「所以地點已經幫我哋定咗位，主要for寵物，你唔鍾意寵物係唔會入嚟最篤搵呢間餐廳。」他說現時來訪的寵物客佔九成，其中狗和貓約為七三比。
習慣每週接投訴 巡查感麻煩
儘管已發展一套生存之道，但原來早於2020年起，Derek已因招待寵物而頻頻收到投訴。他說經常收到關於寵物在室內處所的投訴，食環署督察每週都會突擊巡查店舖，不過就慶幸未曾被檢控。Derek指有投訴人會在「2.0」社交平台截圖寵物畫面投訴，他形容投訴成本不高：「你問佢投訴嚟做咩？唔知，可能純粹唔滿意你」。
Derek淡然地說：「投訴呢六年都應付習慣咗」，亦慶幸客人一向都合作。不過他坦言收投訴仍會感到麻煩，店家難免會擔心有突發狀況：「如果嗰日突然好多客又突擊巡查，然後隻狗狗跑咗去唔應該去嘅地方（食肆範圍），真係證據確鑿charge你。你唔能夠話，大家呢個時候綁住隻狗、攬實佢，有警報咁，又唔能夠令大家嚟到好緊張。」
相熟小店多落選
政府推行狗隻入食肆牌照後，Derek第一時間申請，他說假日餐廳會比較繁忙，打算取得牌照後，可因應當日客人，彈性開放食肆範圍供狗隻內進。
不過「2.0」在抽籤階段落選，Derek說身邊相熟5至6間寵物咖啡店，只有1、2間抽中獲發牌。他說相較起連鎖店，小店中選機率自然較低，慨嘆「多數真正做pet-friendly，welcome佢哋（寵物）、為佢哋著想，都係小店。」
與「2.0」一樣有位置劃分的，始終是少數。Derek說現時很多餐廳的寵物只能留在戶外，難以抵受下雨、酷熱天氣。他希望當局增加發牌名額，相信對同業會有有很大幫助。
Derek
曾允狗隻入餐廳 盼攞牌放心經營惜落空
另一間寵物友善食肆店主A（化名）就坦言以前曾允許寵物進入食肆，他說最初揀選舖位時，想過尋覓戶外空間供寵物活動，但始終空間不大，加上會受天氣影響，最終擱置想法。
A自言屬少數曾容許狗隻進入的餐廳，雖然擔心法律風險，但他表示自己都有養狗，知道要和寵物外出吃飯在香港有難度，因此希望出一分力提供空間。A表示那時狗主來到食肆反應亦良好，「多數啲客都會同我講幾好，有室內地方比我哋坐吓、歎吓冷氣，夏天咁熱。」
因准許狗隻入食肆，被檢控的餐廳可遭罰款，嚴重者更可停牌一段時間。A表示，聽到同業因此被罰款的個案不多，但一般被罰款後，已經要考慮轉營運模式或不再接待寵物，「罰錢事少，停牌影響甚大」。
A曾期望順利申請牌照，可以放心讓狗隻進入室內，但是最終並沒有中籤。他指本港寵物友善餐廳不多，原本以為競爭不大，但申請人數超出預期，坦言感到失望。A同時擔心批出牌照後，食環署未來會加強巡查所有食肆，希望盡快開放第二輪申請。
寵物友善花功夫 「每一個細節都要思索」
A認為抽籤名單部分中選食肆根本不適合狗隻進入，例如酒吧。他也留意到不少大集團餐廳在名單：「我覺得集團唔緊要呀，如果大家都係為咗寵物經濟，有心做嘅梗係最好啦」。他擔心不少本身沒有招待寵物的餐廳其實「冇心做」：「佢有冇了解過一間pet-friendly餐廳要點樣做？」
他解釋，要成為寵物友善餐廳，其實要花不少功夫準備，「客人踏入舖頭，直至離開，每一個細節都要思索，咁樣先係一間pet-friendly餐廳需要做嘅嘢。狗仔入嚟可能要攬片，可能要上繩、坐車仔，架車仔可以擺邊？屙咗大小便我哋可以點做？」
他以自己餐廳為例，指聘請員工時已較嚴格，不會聘請未養過寵物的員工。檯與檯之間留有足夠空間，以免動物太容易碰撞鄰桌。他也有預備寵物醫院同款消毒劑和價值7,000多元的空氣淨化機，殺菌和去除寵物的異味，「客人入到你餐廳，第一個感覺可能係視覺，但係嗅覺都好緊要」。
準備充足卻落選，會否替自己感到不值？A只說「佢話係抽籤，冇得唔抵，有啲比我哋做得更好嘅pet-friendly餐廳都冇抽到。希望佢下一次有機會囉。」
「2.0 cafe and bar」龜店長