【獨媒報導】本土研究社上周五（21日）發表調查報告，指政府擬設濕地保育公園的北區邊境蠔殼圍濕地，涉出現「囤地」，最大的地主或獲利逾10億。周二（7月25日）北區區議會會議上，侯志強提到該報告，點名斥本土研究社成員黃肇鴻「話咩人哋發達」：「有（買）咪發達囉，冇咪睇住人發達囉。」
批本研社蠔殼圍調查報告「話咩人哋發達」
因應北部都會區發展，發展局計劃在位於羅湖與落馬洲之間的北區邊境蠔殼圍收地，設立濕地保育公園，以保育當地的飛鳥走廊。民間團體本土研究社本月21日發表《北部都會區蠔殼圍地權調查研究》調查報告，調查蠔殼圍過往土地交易記錄和業權人資料，發現當地有近半土地曾經易手，其中7名最大地主購地成本每平方呎不足100元。報告料日後收地價約為每平方呎643元，涉「囤地」者的利潤豐厚。成員黃肇鴻其後接受《東方日報》訪問，直言「個別囤地者瞓喺度都能夠獲利至少十數億起跳。」
地政總署署長黎志華周二（7月25日）到訪北區區議會出席會議，上水區鄉事委員會主席、北區區議員侯志強在會上提到本研社報告，表示自己「不平則鳴」：「又聽到喇，河套區（蠔殼圍）十幾廿年前有啲人買咗土地……東方日報前兩日賣報紙，話呢班友囤地呀，發達喇，九椏幾蚊買返嚟，宜家賣六百幾，我想問署長，呢啲地係我哋新界人唔賣、政府嚟收，係咪一樣賠六椏幾，或者賠千幾？無變呀政府嘅政策。」
地政總署署長黎志華
他又點名批評本研社成員黃肇鴻，「呢啲人，啫係黃肇鴻，我唔怕點佢名，本土研究社，你話咩人哋發達，嗱我冇一寸土地喺嗰度買到，但我就不平則鳴……個個都買得到啲地，唔係專利賣地㗎嘛，你又買得我又買得，你有錢咪買，冇錢咪睇住人買。有（買）咪發達囉，冇咪睇住人發達囉，呢個梗㗎嘛係咪？」
侯志強又指，收地價格為十數年前，未計及利息成本，「咁廿幾年前人哋買咗，今日賺到嘅錢無計利息，（賺）係應份。第二樣，就算今日村民冇賣，政府一樣用錢去買去收地，一樣有個受益人，只不過另一個業權人㗎啫照樣，唔知講得啱唔啱喇，嗱傳媒都喺度，唔怕賣啦。」
侯志強斥有反對建丁屋的人「為反而反」、所作所為「無天理」
地政總署負責管轄審批丁屋，侯志強又批評有反對興建丁屋的人在「為反而反」，該等人所作所為是「無天理」：「好多啲反對呢，呀署長，其實係為反對而反對，新嘅丁屋，可能得幾千間，但係反對呢？（聲稱）幾萬間。點解？人哋起好、二十幾年前嗰啲都反對人哋，呢啲人做嘅嘢呢，係冇天理嘅，唔講理，亂嚟嘅。」
侯志強強調新界原居民擁有丁權屬歷史遺留的政策，並非特權。他指原居民以自己的金錢和土地建屋，亦可解決本港房屋問題，建丁屋乃「無可厚非」。
他指疫情期間，政府部門因在家工作而無法完成丁屋審批，惟現時疫情已經過去，丁屋審批時間卻依然很長，希望政府改善：「疫情已經過咗啦，又要由治復興，我都希望新界丁屋能夠興吖嘛，因為新界人佢都係香港市民，佢都需要住屋㗎……舊陣時申請其實幾個月就批到，但而家少少地都五六年，多則十幾廿年都批唔到，我哋等到頭髮白都申請唔到。」
黎志華回應時承認，過去數年丁屋審批速度減慢，但隨著全面復常，地政總署在過去一年已加快審批。對於投訴個案，黎志華認為過去政府花費過多時間處理：「搞到好似法庭咁，地政專員要開一個聽證會，個申請人要聽吓佢講咩，個反對人士又邀請佢嚟講咩嘢，我哋覺得其實唔需要做到咁嘥程序同時間。」他又感謝同為北區區議員的立法會議員陳月明，於立法會支持精簡城規和土地徵收程序，減省不必要內部審批。
侯志強冀政府「體諒」丁屋僭建
侯志強再發言時，又希望政府「體諒」丁屋僭建問題，稱或導致居民無法居住。他指部分丁屋「唔夠住」，故在天台增建一層，「你拆咗佢嗰上面嗰層（僭建物），三樓都漏水喇，或者成棟樓都唔住得人，我都希望署長都能夠了解到。」黎志華則表示，政府政策清楚列明合資格的「丁」只能興建三層高的私人屋宇，獲批丁屋的申請人應依照政策規定。至於以往的僭建個案，屋宇署和發展局亦有務實商討有關情況。
陳月明指打鼓嶺不適宜再增加任何形式棕地作業
城規會今年4月放寬棕地申請指引，通過修訂規劃指引編號13F，有關「擬作露天貯物及港口後勤用途而按照《城市規劃條例》第16條提出的規劃申請」，將24幅原先屬第三及四類別「目前不會優先考慮或通常否決作貯物用途」的321.4公頃土地，改列為第二類別「有機會獲批」。
身兼打鼓嶺鄉事委員會主席的陳月明關注放寬棕地指引對北區的影響，她以打鼓嶺雙線單程的坪輋路為例，稱交通已經飽和，不適宜再於打鼓嶺增加任何形式的棕地作業，令到北區規劃更為「碎片化」，亦違背「北部都會區」發展概念，又邀請黎志華親自落區到打鼓嶺視察。
陳月明
黎志華表示自己欣然接受陳月明的邀請。他指自己30年前加入政府時的首個工作崗位，便是在北區擔任助理專員，故對北區特別有感情，比其他區更關心。他又提到重返北區區議會看到一眾「上粉沙打」的鄉委會主席，感到格外親切，「呢個會議室我第一日返工嘅時候都嚟過嘅。」侯志強及鄉事派李冠洪等人聽畢隨即發笑，侯志強挪揄黎志華「串咗少少」。
黎志華離開會議室後見記者，被問到粉嶺高爾夫球場一事。他僅重申政府與高球會的契約將於8月尾到期，政府收回土地後將交予康文署管理。
