（獨媒報導）內地新冠疫情大規模爆發，港大生物醫學學院教授金冬雁表示，內地正值「海嘯期」，現時通關必然有風險。對於內地人來港或欲接種疫苗、購買抗病毒藥，金冬雁建議當局向接種疫苗的非香港居民作收費，「佢哋係臨時嚟你度打，我哋冇理由用公帑去幫佢」。但他認為風險屬於可控，「我哋都應該對自己有啲信心。佢哋落嚟，但權在我手，可以對佢哋檢測呀，將佢感染咗嗰啲人分開咗，其實係做得到。知道自己感染咗，落嚟嘅可能性都唔係好大。」
認為風險可控 相信內地來港重症人數不多
通關事務協調組昨日首次開會，討論口岸運作及交通配套等。金冬雁在港台節目表示，港人從內地返港後感染，亦會對本港醫療系統會造成壓力，本港須考慮就內地居民接種mRNA疫苗作收費，及準備更多疫苗。但他指出，內地不一定會全開邊境，內地居民入境本港前或要先作核酸測試，相信重症的人數不太多。
金冬雁認為，可以視乎通關初期的情況，再決定是否增加來港的配額，或是否增加抵港後須接受核酸測試的次數。
連續三日逾2萬宗 金冬雁：不需太介意何時見頂
本港連續三日錄得逾2萬宗確診個案，金冬雁認為，不需要太介意何時見頂或回落，指本港疫情自今年5月一直較平穩，「可能會有少少升高，但對於成個社會唔會話有好大嘅危險性」。
金冬雁指出，按照港大公共衞生學院研究，本港社區每日有15萬至20萬人感染，但強調數字仍屬平穩，再出現大海嘯的機會不高，「宜家可能係細細嘅波仔，細細嘅波仔佢都有好處，有啲人未感染過，今次就感染咗」，重申減少重症及死亡仍為首要目標。
香港醫院藥劑師學會會長崔俊明在同一個節目亦表示，非香港居民來港接種疫苗必須收費，「想話俾佢哋聽，香港唔係免費俾藥佢哋，因為咁樣做會引佢哋嚟多啲接種，或者治療，加重我哋醫療負擔。」