【獨媒報導】保安局過去兩年推出「特別項目」計劃，向在2019年反修例中被捕但未被檢控的年輕人，透過參加正向活動，包括出席英皇娛樂集團旗下歌手張敬軒的分享會。記者關注，相關人士在參與後是否可獲撤控。保安局長鄧炳強強調，希望讓參與2019年人士「依家知道錯啦」、「後悔啦」：「透過正向嘅一啲活動，喺合乎法律嘅情況之下，俾佢一個重新開始嘅機會，重新開始嘅機會就係唔會檢控佢啦。」
鄧炳強出席撲滅罪行委員會後見傳媒，記者先問到宏福苑居民向警方報案失竊的情況，是否有新進展。鄧炳強稱截至昨晚共收到80宗報案，逾一半案件在警方協助下尋回，分別因救火沖到不同地方，或在灰燼中尋回。至於其餘四成物品，當局在與業主了解後，確信已在大火中「燒咗」，部分則未能確切物品，仍有6宗未能排除是否涉及失竊，警方正全力調查。
張敬軒周二出席分享 鄧炳強重申合法情況下給予重新出發機會
歌手張敬軒周二出席保安局舉辦的「正向引導」項目分享會。《星島日報》關注成效如何，「青年聽完有咩感受」，並關注有網上KOL、藍營支持者亦有意出任導師，「你又會唔會俾一啲機會佢哋搞唔同嘅分享會？」
鄧炳強重申，「正向引導」目的是希望「2019年朋友」，即在他人煽動下作出不正當行為：「我哋希望喺合法嘅情況下底下，用一個唔需要去到法庭嘅方式，希望有一個重新出發嘅機會。」
邀請藍營支持者出任導師？ 稱「只要幫到呢啲朋友都會考慮」
他續指計劃會透過不同背景人士分享，包括運動員、科技界、演藝界，及曾在2019年迷失的青少年，另設有參觀項目，包括參觀香港歷史博物館內的國家安全展覽廳，及職業導向了解工作需要，並會到內地了解國情，及分享守法意識：「希望透過呢啲活動，令佢哋有正向思維，對於當日嘅事情能夠睇清楚，希望俾個機會重新出發。」
至於會否邀請網上KOL及藍營支持者出任導師，鄧炳強認為「只要幫到呢啲朋友」、「我哋都會考慮」。
拒評袁松彪案 鄧炳強：人哋仲係審訊中
另一記者引述報道指，行政長官李家超並不認同「正向引導」項目，是達致社會復和：「想問吓你點睇？參與咗係咪代表就可以撤控？」鄧炳強強調，希望讓參與2019年人士「依家知道錯啦」、「後悔啦」：「透過正向嘅一啲活動，喺合乎法律嘅情況之下，俾佢一個重新開始嘅機會，重新開始嘅機會就係唔會檢控佢啦。」
除此之外，記者指港府駐倫敦經貿辦職員袁松彪涉違英國國安法案件即將結案陳詞，問鄧炳強能否交代案件是否與警方國安處有關。鄧炳強就表示不便評論：「你提到發生喺外地嘅案件，由於人哋仲係審訊中，我都唔方便去批評或者評論。」