（獨媒報導）各區年宵花市因疫情而取消，警方預料旺角花墟將人流大增，宣布由今日年廿五起至年初一實施人流及交通管制，花墟道、園藝街、園圃街及太子道西一段將封閉。警方亦呼籲市民，避免在高峰時期前往花墟，稱「係咪真係一定要去買花過年呢？」「如果一定要買的話，係咪要最迫嗰個時候去買呢？」《獨媒》今早視察封路情況，有店主向記者表示，警方呼籲後人流大減，食環署執法亦十分「手辣」。
封路措施於今早8時實施，《獨媒》記者到場觀察，雖然花墟有近半商舖仍未開始營業，但已有一定人流。馬路中央未見太多雜物，惟兩旁的行人路則相當擠塞。有警員駐守街道出入口，另有警車巡邏，期間催趕一輛正在落貨的客貨車時，一度與花店店主發生爭執。
花店老闆鄭先生提到，疫情下的花墟人流本已不多，經警方早前呼籲後人流再跌。據他觀察，比往年跌幅約四成。他又「肉緊」指食環署近日執法嚴苛，「$1500一張，有一大疊（告票）」，望署方先以勸諭形式，多加通融而非直接發告票，「唔好咁手辣」。
花店老闆鄭先生
另一花店員工李女士則預計生意額比去年會下跌五成，「舊年呢個時間已經氹氹轉㗎喇！」她亦大呻食環署頻頻執法，「一日掃幾次，抄牌抄幾次，今個月都（被罰）兩萬！」她指貨物過多無處可放，即使被罰亦要「硬食」，「希望佢罰少啲咁解」。
花店員工李女士
