【獨媒報導】高等法院原訟庭法官陳嘉信涉及多次司法抄襲，終審法院首席法官張舉能昨日發聲明，要求陳嘉信提早退休，今年7月31日生效。資深大律師湯家驊相信陳嘉信經過今次風波，心理及社會的懲罰已經很大：「佢犯嘅錯誤唔係少，但佢始終都係法官，始終服務咗社會咁多年，所以大家喺呢方面手下留情，俾個機會佢啦。」他表示，將向政府建議設立法官訓練學院：「我哋唔係等到啲律師做到咁上下，睇佢有冇興趣做法官，由佢自願去申請。我哋應該仿效其他地方，成立法官訓練學院，俾讀完法律嘅同學，選擇法官途徑直接接受訓練，成為專業法官。」
高等法院原訟庭法官現時的退休年齡為65至70歲，換言之，現年64歲陳嘉信今次是提早6年退休。湯家驊今早在商台節目表示，相信陳嘉信經過今次風波，其心理及社會的懲罰已經很大：「佢犯嘅錯誤唔係少，但佢始終都係法官，始終服務咗社會咁多年，所以大家喺呢方面手下留情，俾個機會佢啦。」
被問到提早退休，對法官是否懲罰。湯家驊重申憲制上法官不可以辭退，指即使張舉能要求陳嘉信辭職，「佢唔辭職你都耐佢唔何」，變相要按《基本法》第89條，舉行審議庭交由行政長官按建議作免職，認為會對司法界十分漫長及衝擊的程序，事件在審議期間勢必成為新聞，備受國際關注，「對司法界嘅打擊實在太大」。
陳嘉信（資料圖片）
指陳嘉信退休後未能再從事法律工作已是懲罰
湯家驊認為，陳嘉信接受張舉能的建議退休，已「理解到社會嘅感受」，其在退休後不能再成為律師，或法律相關工作：「你話係咪懲罰呢？法律上唔係，但實際上我覺得係。」
對於陳嘉信從被要求再培訓，到被要求退休期間僅一星期，湯家驊認為，張舉能需時間斟酌考慮，「都可以理解嘅」：「唔可以即刻要你走，唔可以囉。」至於提早退休後可以享有的福利，湯家驊稱過往有不少法官因病要求提早退休，由於陳嘉信屬於自願退休，不屬任何懲罰，今次亦可按合約獲得應有福利，「呢個可能都係佢自願退休嘅原因之一」。
就五年規劃提建議 倡設立「成為職業法官渠道」
主持關注《基本法》提及的法官行為不當的具體情況，湯家驊稱此前未有先例交予法庭傳譯，但推測涉及相當嚴重的日常行為，包括醉酒駕駛等，「未必涉及工作上處理得唔好」。
曾任高等法院暫委法官的湯家驊，他表示民思研究所正就「五年規劃」向政府提出，設立「成為職業法官渠道」，即仿效所有大陸法國家，為法官設定職業渠道：「我哋唔係等到啲律師做到咁上下，睇佢有冇興趣做法官，由佢自願去申請。我哋應該仿效其他地方，成立法官訓練學院，俾讀完法律嘅同學，選擇法官途徑直接接受訓練，成為專業法官。」
湯家驊指現行制度或致法官質素參差
湯家驊續提到，本港的法官長期短缺，法官訓練學院能確保法官有足夠人選，相信透過培訓可以確保法官有一定質素。
他指大律師在現時制度下「賺好多錢」、「點會肯做法官」，或令法官質素參差：「佢一日嘅工作，等於你一年嘅薪酬。對一啲賺夠啦，喺社會享有相當聲譽，想做法官嗰啲人會做。如果唔係，但如果唔係其實好難。剩返落嚟你就會搵一啲，可能做得唔係咁好，但又啱啱符合資格，你又俾個機會佢啦，呢啲法官嘅質素可以係好參差。」