【獨媒報導】HKTV Mall母公司香港科技探索有限公司今早舉行股東週年大會，副主席兼集團行政總裁王維基重申集團的本地業務包括HKTV Mall賺錢，但不能只短視地看今明兩年：「長遠睇，香港做零售係好危危乎，好難做，我哋必須要投資喺新業務上面。」他表示，集團將繼續推進濕貨街市數碼化，包括投資9,000萬元「街市即日餸」。他指雖然利潤率較低，但屬很大的戰場，又引用政府統計處資料：「濕街市每年做嘅生意講緊幾百億，濕街市嗰個market 係好大，大過兩間超市。」
香港科技探索有限公司早前公布，截至去年底止全年業績，年內虧損6,670萬元，2023年則賺4,532.1萬元；經調整利潤1.21億元，少1.4%；營業額38.4億元，按年升0.7%。公司維持不派末期息，但為慶祝HKTVmall成立十周年，宣派特別股息38仙。
指本港從事零售面對很多壓力 派特別股息回饋股東支持
對於派發特別股息，記者關注集團在派息後是否有足夠資金，與對手作競爭。王維基稱競爭非常大，本港現時從事零售面對很多壓力：「香港嘅租金好貴，就算我哋嘅舖好少，但係倉租好貴，人工好貴，喺香港做零售其實好蝕底。」
王維基指出，內地從零售店、倉租到執貨員的租金都較香港平：「內地對手嘅龐大，係因為佢哋嘅營業額、量好大，來貨價都好低。」他認為本港的零售業、超級市場等，「都面對緊呢個好嚴峻嘅壓力」：「都唔好再講話，大家老生常談嘅消費者北上，本身根本競爭力，喺成本高企下就好大壓力。」他補充說，派特別息因公司擁有不少銀行存款、物業，希望藉此回饋股東對公司的支持。
不會涉足外賣生意 稱看不到外賣對消費者的價值
王維基重申HKTV Mall 業務賺錢，但不能只短視地看今明兩年：「長遠睇，香港做零售係好危危乎，好難必，我哋必須要投資喺新業務上面。」他透露，公司投資在「街市即日餸」項目已高達9,000萬，「投資嘅意思，即係輸9,000萬」，其他業務包括英國無人商店、技術研究等；在派息後仍持有逾4億元現金。
記者追問會否涉足外賣生意，王維基表明不會，因為外賣市場難做，稱按其認知「香港從來無一間外賣嘅營運商賺錢」：「我都睇唔到外賣對消費者嘅價值。」他更表示香港很方便，消費者可以自取外賣：「我就通常都比較衞生，鍾意自己去攞。」
「很大機會」在港設無人店 惟2027年前不會成事
香港科技探索自2021年起推出「無人全自動零售商店」計劃，前年8月在英國曼徹斯特開推出首間無人店「In:Five」。集團去年業績由盈轉虧，主要受累全自動零售商店及系統於英國的業務營運錄得減值虧損4,210萬元，將在今年年底就英國項目可行性進行徹底重新評估，以規劃其未來方向。
被問到在英國業務獲得的經驗，王維基指在人力資源方面，因為人生路不熟，加上員工主動性及工作文化不同，目前仍在學習中。記者問會否在港設立無人店，王維基稱「很大機會」，但目的不是做生意，因無人商店在技術上仍屬修正階段，屬要投放大量資源、時間開發的業務，明言在2027年前不會成事。
稱與內地商戶合作最難是要「身體檢查」
記者問到尋求與內地商戶合作是否不容易，王維基稱「所有嘢都唔易做」：「傳媒都唔易做啦，各行各業喺香港做生意⋯⋯大家都知道好大壓力，只可以抱懷希望，盡力而為。」他稱不難尋找內地商戶，但集團會嚴選：「最大困難唔係搵唔到人，係搵到返嚟要做身體檢查，肯定係好嘅商戶、賣嗰啲正貨，好品質嘅貨。」
有記者問王維基，留意到有內地商戶已進駐HKTVmall，平台會否變成淘寶模式。王維基認為本港與內地融合越來越緊密，消費者亦追求「平靚正」的商品，而現時不少商品都是內地製造，平台如能提供價廉物美、與內地平台價格一樣的貨品，對消費者而言是好消息：「變咗淘寶？係就好呀，無乜所謂呀。」
強調無意引入新股東 王維基：幾難嘅題目都繼續考落去
對於坊間早前有傳或引入新投資者，王維基嚴正表示「股東不要有幻想」，集團不會回購股份、引入新股東、發新股及賣盤，亦沒有任何討論、接觸及計劃。面對內地網購電商高調進入市場，王維基承認競爭激烈、壓力嚴峻，「前景係要好謹慎」。
王維基最後以考生作比喻：「老師教，試場幾難嘅題目都繼續考落去，因為個個都係咁難㗎啦。千祈唔好見到難嘅試題就行返出嚟，大家都係對住好難嘅問題。」
與香港郵政合作增自取點 王維基指有助生意
此外，HKTVmall上月底宣布與香港郵政合作，在全港118間郵政局設立HKTVmall合作自取點，HKTVmall 的自取點數目增至219個。有參與大會的股東問到詳情，及會否調整現時O2O店的數量，王維基回覆指，現時O2O店約60至70多間，數量不會有太大變動，較高峰逾100間已減少，認為與香港郵政合作有助生意。
HKTVmall 現時設有HKTV plus+ 會員制度，股東問到用戶數量及成效。王維基稱未有公布會員數字，但指「反應好」、「好抵嘅」：「如果你係消費者好抵，即係我賺少咗。」