（獨媒報導）台灣下周一起開放港澳人士自由行入境，陳同佳是否會投案自首再次成為焦點。一直協助陳同佳的立法會議員管浩鳴，他下午見記者，重申問題並非台灣通關與否，呼籲台灣以人道立場讓陳同佳入境：「唔洗佢好似喺香港軟禁咁樣，另一方面作為潘媽媽都想呢件事情得到了結。」管浩鳴透露，陳同佳目前仍在香港，並居住在較偏遠的山上。
立法會議員管浩鳴
陸委會今早舉行記者，宣布港澳人士下周一起可以申請自由行入境。副主委梁文傑表示，台灣對事件的立場不變，重申陳同佳入境投案，並非單純批出簽證的問題，同涉及雙方的司法管轄權、公權力，為確保案件的後續偵查，促港府務實回應台灣提出的司法互助請求，以落實司法正義。
管浩鳴稱，近日沒有與台灣當局聯絡，但相信其台灣律師一直等候台灣當局答覆，又認為陸委會的說法已十分清晰，「佳仔嘅返去，並唔係存在係咪通關嘅問題，我相信呢一點已經係好清楚㗎啦」。
陳同佳
重申陳同佳願意投案 港台雙方不存在需要溝通
對於台灣陸委會的說法，管浩鳴進一步回應指，如果陳同佳不願意投案，才需要司法互助，但如願意投案，即可以免除司法互助。他提到，由於案件事發地點不是香港，法醫等證據亦從缺，本港只有陳同佳涉及洗黑錢，即盜取女友潘曉穎金錢的口供，入境台灣後亦要再錄口供：「所以應該就唔存在話有乜嘢，香港需要移交俾台灣呢一方面。」
管浩鳴又指出，港台雙方不存在需要溝通：「如果佢（陳同佳）係願意返去自首，就唔存在呢一方面嘅嘢，所以我唔覺得兩邊其實有咩再需要溝通呢，當然佢哋之間可以溝通得到，都係好事，但係似乎宜家我都唔係好睇到佢溝通啲乜嘢。」
在2019年，台灣殺人案觸發特區政府提出修訂《逃犯條例》，並引發反修例風波，事件橫跨兩任行政長官，殺人案案發至今近5年，但至今仍未妥善解決。
稱李家超「都係好關心佳仔」 指陳同佳為港人無法遞解出境
被問到現任行政長官李家超對事件的態度，管浩鳴相信，李家超「態度都係好關心佳仔」，但事件似乎無法以香港的法律解決：「唔同石棺案遞解佢出境，但係佳仔係香港人嚟嘅，所以唔存在犯法，亦都無做錯嘢。」
管浩鳴最後又有感而發稱，一直的想法都是在面對政治角力的時候，「如果佢自己願意返去就最簡單啦，因為佢可以直接上機返，然後到去嘅話，按照台灣今日就係台通緝佢，拘捕咗佢，咁就有一個公平嘅審訊，然後經過一個監禁式嘅刑罰，佢就可以重新成為一個更新人士，係一個比較上合理嘅過程。」