（獨媒報導）政府於7月1日公布授勳名單，新民黨主席葉劉淑儀獲頒最高榮譽的大紫荊勳章。今午她與容海恩於立法會向記者派發糕點，稱「我攞咗我個老人奬，請各位年輕人食件餅」。
下午約3時，葉劉淑儀、容海恩與助理手棒4盒美心集團旗下意大利餅店COVA的蛋糕，現身於立法會2樓會議室外。葉劉淑儀指十分高興得到特區政府「肯定」，因此決定請同事「食餅慶祝」，「禮拜三請咗啲議員食餅，禮拜四請咗新民黨、匯賢智庫同事食餅，今日請你哋（記者）食餅」，又笑言「我怕肥，唔食，你哋年輕人食多啲」，更指「容海恩有條件過我」。
被問到在英國居住的女兒打算如何替她慶祝，葉劉稱「佢冇咩興趣」，但透露女兒原打算8月回港與她慶祝生日，惟英國飛往香港的航班被禁，所以要經法國「流浪咁返嚟」。她又指，女兒已接種第二針BioNTech疫苗，出現發燒、發冷症狀，「好似俾巴士撞咁」。