【獨媒報導】銅鑼灣寵物店 Little Boss 先後有兩人確診，政府指懷疑倉鼠將病毒傳人，宣佈格殺2,000隻倉鼠。政府專家顧問袁國勇稱決定「非常果斷明智」，如不行動有可能製造新病毒：「因為你唔想整隻新病毒出嚟，然後由香港傳染去全世界。」
袁國勇傍晚視察大坑東邨東滿樓見記者，他指根據歐美經驗，由人傳貂鼠再傳回人的個案不多，但亦撲殺十萬計的貂鼠。他強調政府緊張是有原因，指現時的基因排序與基因庫不同，加上有基因突變出現於棘突蛋白黏合人類細胞受體的位置：「咁好大件事㗎喎，如果我哋香港整一隻由倉鼠變異出嚟嘅病毒，而可能傳染係咁強咪好弊？」
被問及為何不先為倉鼠檢測後才作決定，袁國勇指倉鼠不是即時病發，感染後可能幾日後才病發，「驗咗佢無嘢唔係表示佢宜家冇嘢，唔係表示佢跟住冇嘢。」他又指如每天為過千隻倉鼠做檢測，「人都未必夠測試去做，咁我哋冇理由留佢喺度」，加上需要地方及人手飼養，對人亦構成風險：「隻隻倉鼠都唞緊氣，放緊嘢出嚟，唔係講玩。」
格殺令會否蔓延至其他動物？袁國勇就指，並非每種動物都輕易感染新冠病毒，「但係 hamster（倉鼠）呢個物種係我每日喺實驗室都用嚟去做實驗，佢係非常之對病毒敏感，好易惹到」。他又指倉鼠受感染後首10日會「放好多病毒出嚟」，之後才會減低病毒量，傳開病毒。
他強調現時仍未掌握整個傳染過程，需要衞生防護中心及漁護署研究如何發生，不排除有倉鼠在荷蘭已受感染，之後在鼠群中傳播，運至香港大埔貨倉時廣傳，再運至不同寵物店傳予員工及顧客，強調要遏止今次特別的爆發。
他又指 Omicron 的傳播力強，在實驗室做的倉鼠測試已證明疫苗只對 Delta、Alpha 等變種病毒有抵抗，但對 Omicron 則沒有：「嗰啲倉鼠就算打咗疫苗都好，佢哋對 Omicron 抵抗同阻截傳播能力都係差啲。」