（獨媒報導）「走塑」措施實施後，有日式超市改用紙盒盛載壽司，但政府解畫指用膠盒無問題，被質疑說法前後不一。環境及生態局局長謝展寰接受電台訪問時解釋，執行「走塑」條例時，主要考慮為「製造食品時是否知道啲人外賣定堂食」 及「係咪便利啲人拎走」，超市雖設進食區，但出售壽司時仍「預咗佢（顧客）可以拎走」，用紙盒盛載「有少少唔合理」：「啲人點揀啫？」
DON DON DONKI壽司現已經轉回透明膠盒包裝，但立法會議員江玉歡認為，長遠來說當第二階段「走塑」實施，外賣膠盒終會受到管制，壽司變「盲盒」是遲早的事。
美食廣場內點餐屬堂食 預製、供選購食品始可用塑膠包裝
若在美食廣場用餐，食肆用塑膠餐盒盛裝餐點予顧客在場內進食，又是否「堂食」？謝展寰就稱不是，因顧客是即場點餐，食肆可控制用甚麼餐具；但若售賣飯團、三文治等預先包裝及陳列出來的食品供顧客選購，則可使用塑膠包裝：「依啲就得啦！」
被問此執行模式會否造成法律漏洞，謝展寰果斷稱「冇」，重申若在製造食品時已知道顧客是堂食抑或外賣，食肆就「冇呢個選擇」：「唔能夠話我要壽司，你就拎個預製咗、包膠嘅俾我，我話個壽司堂食㗎嘛，你就應該自己做一啲壽司俾我㗎啦！」謝另以便利店崗售的預製食品為例，指若餐廳「冇得點餐，擺晒喺度自己攞，等於便利店形式，咁無問題嘅！」
用膠容器便利店禁堂食 謝展寰：商家可自行決定經營模式
有連鎖便利店因仍使用膠碗、膠蓋包裝即製食品，不准顧客在店內「堂食」。主持問謝展寰，有否留意相關現象及有何感受？謝表示「無嘅」，重申商家可自行決定經營模式；至於有食肆轉用非塑膠餐具後，向顧客額外收費或加價，謝就指市場存在競爭，相信商家會「自己諗計」，找到最適合自己和顧客的模式。
謝強調，「走塑」措施目的亦並非懲罰市民，又引述商戶反映，約六至七成外賣顧客選擇「走餐具」，形容是好現象，相信市民會慢慢習慣。