【獨媒報導】政府早前宣布將現行社交距離措施每14日延長至4月20日，立法會「與預防及控制疾病相關的附屬法例小組委員會」今召開視像會議，審議該六項附屬法例。多名議員不滿政府措施，狠批食物及衞生局局副局長徐德義敷衍回應。何君堯更質疑內地的連花清瘟膠囊仍未獲批為註冊藥物，他激動向徐德義稱：「你如果認為隻藥係唔可靠，你自己啪兩排，食咗之後睇下你死唔死，你唔死咪ok囉？」
衞生署早前突擊搜查多區藥店，指兩款「連花清瘟膠囊」為未經註冊藥品，部分與民建聯曾向市民派發的 「瘟膠囊」十分相似。何君堯於會上質疑，為何衞生署仍未批准內地的連花清瘟膠囊為註冊藥物。他斥：「驗乜嘢？要死咗幾多人先嚟批？」他又批評：「你明唔明宜家個個等緊嗰隻藥，我有兩千盒喺深圳，就係因為你哋唔批過嚟呀嘛！而家救命喎，可唔可以同我即刻批咗佢？」
徐德義未有正面回應，只稱藥物有安全考慮及其註冊程序，以確保質素安全，又指藥物如已註冊，可極力爭取運輸到港。
陳凱欣批市民難購退燒藥 徐：飲多啲水
選委會界別陳凱欣質疑，現時政府推行自行快速測試，等於任由市民「自生自滅」，她又批評徐德義不「貼地」，指現時市面上已難以買到退燒藥等，徐回應稱：「發燒其中一個處理方法，如小朋友可用溫水抹身，飲多啲開水可短暫處理到。」他又補充理解物資缺乏，會安排內地運送更多藥物。