【獨媒報導】鄉議局擬今年11月在北部都會區舉辦「北都馬拉松」，初步會由沙田鄉議局作起點，並以元朗、粉嶺或上水為終點。被問到如何配合飲飲食食，鄉議局主席劉業強稱要按路線而定，希望比賽能串連當地經濟活動，從而推動實體經濟：「真係可以做到地區特色，當然要同唔同地區研究吓你有咩好嘢，可以整吓茶粿，整吓小食。」
劉業強今早在商台節目表示，市區馬拉松已舉辦多年，並已十分成功，「一直我對喺新界跑長跑都好有興趣」：「本身我都係跑長跑，所以好熟。」他透露中學已代表校隊參加越野長跑，曾由九龍窩打老道跑到井欄樹，途經飛鵝山斜坡，10多年前亦參加渣打香港馬拉松。
資料圖片
劉業強：出發點係唔好封咁多路 初步參賽人數1萬
被問到「北都馬拉松」路線，劉業強透露曾聯絡顧問公司研究，由沙田鄉議局作起點，以元朗、粉嶺或上水為終點，假若要滿足全馬即42.195公里則要「兜吓路」，「香港本身打橫都係30公里」。
劉業強重申，「北都馬拉松」出發點是「唔好封咁多路」，所以大部分路線均為單車徑，希望將封路的影響減到最低。至於參賽人數，劉業強承認難與渣打香港馬拉松的7萬人相比，初步參賽人數為1萬，長遠達到2至3萬人：「見到渣馬好多人想跑又無機會跑，如果封兩日市區都係比較困難。」
資料圖片
將設入門版賽事 指錦田鄉等具特色
談到「北都馬拉松」路線的賣點，劉業強指「新界有不少好地方可以試吓」，並希望能同時推同本土尤其實體經濟：「希望經過吓啲村，經過吓新界啲區，帶旺到佢哋。」他舉例希望路線能經過元朗、粉嶺及上水的村落：「真係可以做到地區特色，當然要同唔同地區研究吓你有咩好嘢，可以整吓茶粿，整吓小食。」
另外，劉業強指「北都馬拉松」將設高級組賽事，但不少市民希望參加入門版賽事，即1公里、3公里及5公里等。他提到，早前剛完成十年一屆打醮的錦田鄉、新田文氏及鄧氏均具特色及歷史悠久：「有啲地方要經過吓佢哋，帶旺佢哋。應該會有啲特色嘅，我相信將一啲特色嘢透過跑步帶出嚟，應該會有幫助。」