（獨媒報導）香港運動員早前出賽期間，接連遇上播錯國歌情況，保安局局長鄧炳強表示，局方早前向Google 要求將正確國歌置頂遭拒絕：「佢嘅推搪嘅說話就係話，我哋呢啲係演算法，係我哋決定唔到嘅。」他炮轟指按照歐盟法院裁決，Google應將明顯不準確的搜尋結果刪除，卻拒絕港府的要求：「究竟呢一個係咪雙重標準呢？佢係咪欠我哋香港市民一個交代呢？我哋香港政府一定會用一切嘅方法，係要更正呢個情況。」
鄧炳強：Google現『黑暴』歌曲傷害市民感情
繼香港欖球隊出戰亞洲欖球賽後，亞洲健力聯盟的賽事亦出現播錯歌的情況，有組織罪案及三合會調查科早前已介入調查兩宗案件。鄧炳強下午出席撲滅罪行委員會後，被《有線新聞》記者問到案件調查進度，當中是否涉及刻意播錯，及是否已可以結案。鄧回應指，現階段沒有任何證據證明，香港相關運動員、職員牽涉其中。
記者又問到，Google及其他搜尋平台是否有按保安局要求，將正確的國歌置頂，並追問跟進行動。鄧炳強回應時透露，局方曾向Google 要求將正確國歌置頂，但「可惜Google 呢係拒絕」。他指出，現時在Google搜尋「香港國歌」時，仍顯示「同19年『黑暴』有關嘅歌曲」：「我哋係覺得非常遺憾，同埋呢樣嘢呢亦都係傷害咗我哋香港市民嘅感情。」
稱眾所週知賣廣告可將訊息放較高位置
科技創新界立法會議員邱達根早前表示，會繼續要求Google 將正確的國歌置頂，認為對方必須負社會責任。鄧炳強指，眾所週知只需要付錢予Google 賣廣告，便能將相關訊息放在較高的位置：「咁如果Google 推算話我都無辦法㗎，我相信呢個係匪夷所思，同埋香港人係唔會接受嘅。」
鄧炳強最後重申，「香港嘅國歌，即係我哋國家，中華人民共和國嘅國歌，係得一隻嘅啫，就係《義勇軍進行曲》」，重申任何人如企圖以其他歌曲混淆：「都係錯誤嘅，都係唔啱嘅。」
