【獨媒報導】虛擬資產交易平台JPEX涉嫌違規經營，至今8人涉嫌「串謀詐騙」被捕，當中包括林作及KOL陳怡，全部人昨晚獲得保釋。陳怡下午上載短片講述拘留所事跡，指「臭格」環境「比一般人住嘅地方好」，缺點是廁所「阿豬阿狗都睇到」。她又指警方在保釋前叫她「寫返個好評」，於是在片中讚「專業」，「老細鍾意聽專業，畀你老細聽到」，又指警方不算「爛頭卒」，明白只是「收order做嘢」。不過對證監會，陳怡就繼續大肆批評，她稱「正貪會」只是「死雞撐飯蓋」想立功，她指證監會沒有實據，她亦「唔會畀你如願以償囉，唔會囉」、「你有無嘢抽掅？無。」
疑犯陳怡今午在YouTube頻道上載一片長19分鐘的短片，在標題稱保釋金高達100萬元。她表示在片中不便交代案情，但批評證監會「痴X線」，「警方係，你又唔可以話爛頭卒，都可以叫衝出嚟，佢要做嘢囉」。她堅持清白，「我好有信心，唔係樂觀咁簡單，好知自己做緊咩」，又在片中反問「如果件事係咁大，點樣犯罪？相信要喺拘留所等到上庭囉」，而不是在拍片講述狀況。
質疑證監會只想立功
她狠批證監會是「躝癱」，事後JPEX交出很多資料對質，證監會都「唔對口」、「死雞撐飯蓋」，她認為證監會只是「開X咗個頭，係應該立下功，正貪（證監）好似有啲嘢抽掅到，好似自己做到嘢咁」，但她強調「最後我真係唔會畀你如願以償囉，唔會囉，你用啲咩講吖？你有無啲實際嘅證據吖？」她指昨日警方記者會內容不多，用字又含糊，原因是證監會根本沒有實證，她稱「所以我唔會怪警方」。
至於一晚在「臭格」的經歷，她指遭遇有如電影，灣仔總部外表貌似「好高好靚，但入到去又好似唔係嗰回事，佢得個外型靚嘅啫」。她指拘留囚室的環境比她想像好，「有冷氣，硬床不過可以搵嘢墊」，唯一缺點是長期開著大光燈，以及有警員出入拍卡的響聲，去廁所的位置「阿豬阿狗都睇到」。
回想臭格飯盒疑似反胃
對於「臭格」的膳食，陳怡指基本上打開飯盒只見白飯，上面舖著幾塊椰菜和一塊蛋，她說「唔係煎蛋，唔知咩黎」，然後她在鏡頭前狀似反胃以手掩嘴。她又指自己大部份時間都在瞓覺，「無人會搵水淋你，打X你」，亦不會如2019年時有傳新屋嶺扣留中心強姦事件，「咩強姦，原來無囉，就係咁簡單，無囉。」
資料圖片
影片兩度刻意「讚」警方
談到警方，陳怡透露到了最後保釋程序，「警方嗰度就話，咩寫返個好評啊？啫係讚佢哋專業咁囉，我開頭都唔知點樣畀comment，我話嗱『大方溫柔得體，細心溫柔體貼』，呢啲都唔啱用，老細鍾意聽專業，咁就專業啦，畀你老細聽到」。影片及後她又談到很多警隊崗位都是日以繼夜工作，突然就說「你叫我寫好評，我而家寫緊好評，畀個Like你哋，好專業嘅，咁樣，哈哈哈！」
陳怡亦提及很多網民嘲笑她被捕時樣子，與拍片時有一定差別，她解釋知悉要被拘留時，不可能化妝，加上較早前已曾被帶到警署，警員將所有髪飾「掹哂出嚟」，「一定係披頭散髪㗎喇」。她又指要留在羈留所「最緊要暖」，因此穿冷衫長褲。她又反駁若樣貌真的「肉酸到咁，肥到咁」，平日和年初見面會時一早「畀人笑死啦」。