記者：區嘉奇
友愛商場及街市啟用至今已有四十年的歷史。經歷了兩次易手及多次重整後，今日已面目全非。對於翻天覆地的變化，市民到底有甚麼想法﹖《屯敘》特意訪問了居住在友愛邨至少二十多年的時代見證人，又搜集網民的意見，看看他們對友愛景觀的變化有何心聲。
街坊：屋邨街市同商場應考慮當地居民生活水平作
三十多年前搬來友愛的玉姐最喜歡公營街市。她指：「因為裝修後街市嘅食物價錢太貴，係呢度買一斤菜嘅價錢等於新墟兩斤菜，我有時都會係新墟買餸，唔係呢度買﹗」
四十多歲的李生坦言不太喜歡現在的街市，他批評：「街市就街市，突然加入『童話風』好不倫不類。」他分析：「街市同商場好唔好應以物價可唔可以配合當地居民生活水平作為準則，例如呢度買餸同出去食差唔多，可能只係平少少，咁我不如出去食﹖」他又指：「如果我喺呢個商場食晚飯，價錢同市中心有名餐廳差唔多，但原來它只係提供一般茶餐廳野食，咁我點解喺度食﹖」
婆婆指可在冷氣商場消磨一整天
同樣於友愛居住了三十多年，今年九十多歲的陳婆婆及黃婆婆則較喜歡今天的街市，陳婆婆說：「商場裝修後開咗新茶樓，整到好靚㗎﹗野又好食﹗同埋有冷氣﹗」訪問時黃婆婆表示同意：「係啊，起碼有冷氣冇咁焗，可以一層一層慢慢行，行完咪過完一日囉﹗」黃婆婆又指商品價格的提升對其生活構成影響，但也明白高昂的成件使物價上漲的道理，故認為這樣的發展「無可避免」。她指：「野食貴就貴左，買野都要就住就住，驚唔夠錢過世。不過佢地裝修咁貴，收貴一啲都冇辦法。」
網民：掛住可玩「猜樓梯」的超市
除了當區街坊外，網民亦曾就友愛街市發表個人看法。專頁「友愛的天與地」就曾發文指新街市「就像一間超市」，「從前濕溜溜的地下，黑漆漆的空間，髒髒的感覺現在完全都沒有了」。但亦有網頁回應指「入面街市好嘈， 行咗半圈即刻走」。另一專頁「屯門舊照片」近年多次貼出昔日友愛商場的舊照，喚起一片懷舊風。有網民懷念超級市場可玩「猜樓梯」的雙層旋轉梯；有人留言表示懷念昔日老店人事如友愛文具的姨姨、有人記得在添寶眼鏡配第一副眼鏡、有人狠批領展是大財團，指責它「攪走晒d小商鋪，換晒連鎖鋪」。