撰文：奧斯筆
攝影：Bob
政府連續六晚封區後，馬鞍山於 2021年2月5日首次有樓宇被封鎖。2月4日有一宗源頭不明的確診個案，政府於翌日下午7時40分宣佈，已於7時35分把馬鞍山恆安邨恆江樓列為受限區域。有居民得知消息後反應激動 ，亦有居民質疑封樓的政策和成效。《馬聞》當日一直在社交媒體跟進事件，亦有街坊提供檢測後獲贈的防疫袋物資包照片。今期，記者跟進訪問了恆江樓居民，深入了解街坊的感受。
今年30歲從事電訊業的盧先生和女朋友同住於恆江樓已大半年，是封鎖恆江樓的受害者。盧先生當晚約六時得知可能會封樓，但因為工作關係未能及時追蹤消息，心情感到十分無奈，亦擔心生計受到影響：「我同女朋友都返緊工，當時係諗，第二日返唔返到工呢？因為返唔到工，會按日扣錢，咁都影響生計……本身已經諗住第二日去做強制檢驗，點知畀佢打亂咗個計劃。」
怕門被爆家被拆 趕回家
提到封樓檢驗後，確診人數居然只有零，盧先生更深表不解：「確診人數居然只有零，成件事直頭戇ｘ啦！有啲人返夜班養家，返少一日工少一日錢，嗰啲真係慘！我第二日就放假，但我女友第二日要返工！而且佢未過試用期……」
面對突如其來的封鎖，加上對政府的不信任和擔心家中財物，令盧先生最後決定無論如何都要回家一趟：「都有諗住返去屋企人度住一晚，但又驚佢爆我度門。對個政府冇信心……佢哋有咩做唔出？拆咗你屋企搞壞你啲嘢，再話係你唔喺屋企先搞到咁，（之後）亦唔會賠錢，我信佢哋做得出……同埋屋企有隻倉鼠，唔想佢有咩危險。」
後續安排欠清晰 一肚氣
盧先生表示深喉唾液收集過程順利，但不滿當晚欠缺清晰資訊；例如盧先生只收到陰性的化驗結果短訊，但短訊內容沒有提及任何後續安排，或何時可以除下手帶等：「我帶住條手帶落街睇下咩情況，去問個看更，佢仲用望住戇x仔嘅樣望住我……」最後，盧先生親自打電話詢問後，才得知在收到陰性短訊後即可棄掉手帶。
打疫苗有恩恤金 心更驚
被問及政府的防疫政策意見時，盧先生大呼不滿：「防疫基金嘅補貼好似冇嘢可以關到我事，（記者：你覺得做啲乜嘢可以真正幫到巿民呢？）唔好搞咁多嘢就幫到市民喇！將畀popo（編按：警察）買裝備嘅錢畀返醫療，畀大陸嘅錢畀返市民做防疫；要派口罩就派醫用口罩，唔好派埋晒啲唔防病毒嘅『胸圍口罩』！啲老人家唔知，戴耐咗咪一樣有機會染疫？」
除了防疫政策的意見外，盧先生亦十分抗拒香港政府認可的中國製科興疫苗：「香港政府認可嘅都唔慌好嘢。同埋佢個恩恤金……你好人好姐冇事冇幹，恩乜嘢恤啫？又唔見小學生打針有恩恤金！即係打咗有危險先會比個恩恤啫……」
最後盧先生更以五個字的粗口詛咒作結，「政府xxxxx啦，係咁多喇！」
當社會發生嚴重影響民生事件，卻又要面對朝令夕改、前後矛盾的政策時，市民必然會質疑政策的成效，政府應當以審慎透明的程序及合理的手段去解決問題。當政府未能提出令人信服的說法時，社會矛盾和衝突只會愈漸加深，不但影響香港市民的生活，更無助解決當前的社會問題。
恆江樓被封時序
4日
確診個案：1人
個案編號：10551, 53歲男, 本地個案, 有病徵
發病日期：2月1日
外遊記錄：無
5日
5:52pm：傳出消息要封區強檢
6:38pm：鄭則文議員於恆安群組表示「今晚有可能封恆江樓，大家要預備」
7pm：把日間設於社區中的臨時檢測中心移到400米外的強檢營
7:40pm：政府宣布，晚上7時35分開始圍封馬鞍山恆安邨恆江樓；警員在四個出入口拉起膠帶及擺放膠圍欄
約10pm：一名封鎖區內男子突然情緒激動，大叫「我有自由」，企圖衝出封鎖區
10:53pm：再有一名女士，企圖離開封鎖區
約11:15pm：海關關長鄧以海到馬鞍山恆安邨恆江樓封鎖區外視察
6日
約7am：逐步解封，已完成檢測居民可經指定出口離開
檢測數據
恆江樓戶數：1040
沒人應門：96戶
接受檢測人數：457名（2月2-5日已檢測者可豁免）
確診人數：0