【獨媒報導】2019年7.21元朗事件中，前立法會議員林卓廷與6男被控暴動罪，今（22日）踏入第35天審訊，第二被告庾家豪繼續作供，由控方高級檢控官岑頴欣盤問。控方指片見庾衝去閘機前，先後將兩名身處閘機中間的男子拉後。庾解釋當時見對方正用雨傘抵擋白衣人。控方指，兩名男子均沒有回頭看誰人拉他，庾同意。控方遂指出「大家動作之間有默契」，庾解釋：「我唔想有人被白衣人襲擊受傷，大家保護大家，有呢個信念，我估佢都係類似想法。我見到佢畀人打，所以先拉佢返嚟。」控方續問：「閘內人士大家都係兄弟？」庾表示不會刻意用兄弟，他會形容外面有施襲者，而付費區內都是受害人，因此「大家諗法好接近係好合理」。控方最後指出：「你想協助閘內其他人，唔使受傷，之後再做衝擊？」庾不同意。
官指片見閘內有人戴口罩 並問庾：佢冇吸引你眼球？
第二被告庾家豪繼續作供，由控方高級檢控官岑頴欣盤問。控方播放片段，指庾身處閘內並站在打開雨傘的人當中，庾同意。他補充，人群打開雨傘是要抵擋外面的白衣人襲擊。法官陳廣池留意到，閘內有一名白衫男子一手拿紅色雨傘，一手拿「保衛元朗，保衛家園」紙牌。陳官問：「呢個係唔係白衣人其中一個人？」庾回應：「唔會咁諗，佢擋緊白衣人攻擊，有可能個牌係白衣人掟入嚟，佢執到，我唔會叫佢白衣人。」陳官追問：「佢會唔會係閘內人士其中一員？」庾表示：「我會咁認為。」控方又指林卓廷曾在旁伸出手，「好似畀指示，有啲動作？」庾同意。
來源：《誌》
控方質疑，庾沒有趁機離開反而留守前方，希望以人多勢眾增加聲勢，為閘內人壯膽；庾不同意。但他同意沒有阻止其他人向閘外擲物。陳官留意到，片見庾前方有黑衫人戴口罩及手套，庾表示當時混亂故看不到。陳官問：「唔係好多人戴口罩，佢冇吸引你眼球？」庾稱沒有，因其注意力在白衣人身上。
辯方站起後卻稱「冇嘢」官：應該先想清楚
這時代表庾的大律師李百秋站起，隨即又坐下。陳官問他有甚麼事，李表示：「冇嘢。」在陳官追問下，李表示起初認為問題不適合，後來又覺得沒事，不應該站起。陳官遂指，他站起之前應該先想清楚，「唔係 jumping bot，唔係企咗起身，然後又話冇事。」李回應：「有時唔係一定諗清楚，先企起身講嘢。」另外，李在對陳官說話時多次用「你」，陳官於是提醒：「你要講『法官閣下』，你嘅習慣而家都未改到。」李解釋：「有時我講嘢，唔係唔尊重你，但係我唔係句句都可以講『法官閣下』。」陳官表示，連作供的被告也能夠每次以「法官閣下」稱呼。
庾將閘機兩男子拉後 控方指「大家動作有默契」
庾早前稱，後來聽到有人大叫，他發現閘機附近有白衣人襲擊，並見閘外的記者何桂藍及白裙女子被打。控方指片段顯示約11時，庾衝去閘機前，先後將兩名身處閘機中間的男子拉後往閘內。在拉開首名男子時，庾連同一名黑色背心男子一同行事。第二次庾則自己攬着該男子。庾解釋，當時見到兩名男子正用雨傘抵擋白衣人，於是上前拉開對方。陳官指，片見被拉開的男子曾縮腳，並雙手按閘機借力，以越過閘的紅色扇門。庾同意。
控方指，兩名男子均沒有回頭看誰人拉他，庾同意。控方遂指出，該男子、庾及背心男「大家動作之間有默契」，庾解釋：「我唔想有人被白衣人襲擊受傷，大家保護大家，有呢個信念，我估佢都係類似想法。我見到佢畀人打，所以先拉佢返嚟。」
控方問「閘內都係兄弟？」庾：大家是受害人想法接近
控方續問：「閘內人士大家都係兄弟？」庾表示不會刻意用兄弟，因會說到「好似好熟咁」。他會形容外面有施襲者，而付費區內的都是受害人，因此「大家諗法好接近係好合理」。控方又問：「唔會兄弟相稱？」庾表示：「我冇呢啲習慣。」控方一度問：「如果黑色背心男子叫你兄弟，你唔會覺得同你講嘢？」庾表示不會理會，除非是面對面叫。辯方以「假設性問題」為由提出反對，陳官指有片段聽到多次有人叫「兄弟」，因此辯方「反對無效」。
控方指庾想協助閘內人 免對方受傷以再衝擊
由於該兩名被拉開的男子均穿白色衫，控方問：「你唔會扯閘外白衣人入嚟？」庾解釋以男子的動作判斷，他們正保護其他人，「呢一刻我覺得佢有危險，所以先捉住佢啫。」控方質疑，「其實佢哋後方冇其他人需要保護？」庾解釋對方想保護閘外受襲者。控方亦問：「如果將原本保護人嘅人拉後，出面嘅人會被打得更嚴重？」庾同意，但強調當時想不到。控方另質疑，庾聲稱在場保護女友，卻沒有這樣做。庾解釋當時要保護自己、女友及其他人，「我一個人冇可能保護晒。」控方最後指出，庾想協助閘內其他人，避免對方受傷以再次進行衝擊；庾不同意。
案件下周一續審。
7名被告均否認暴動罪，包括：時任立法會議員林卓廷（43歲）、庾家豪（35歲）、陳永晞（37歲）、葉鑫昇（31歲）、鄺浩林（26歲）、尹仲明（48歲）及楊朗（26歲）。
案件編號：DCCC 1106/2020、1132/2022（已合併）
審訊第34日
控方指被告「根本唔希望警察到」意圖留守自行對抗白衣人
審訊第33日
被告稱不能轉身跑因「做返男人應該做嘅嘢」 官：性別歧視、女人都保護到人
被告曾拾起水樽 控方指「就地取材」拿地上武器攻擊白衣人
審訊第32日
被告稱有責任保護婦孺「相信捱多陣有人救我哋」、向白衣人招手因不能示弱
審訊第31日
控方稱「吹雞」指召集人 可用於添丁時叫村民恭賀 官認為屬「黑社會術語」
背部被打廚師首作供：說「好多白衫人」後遭圍毆 解釋「我收工你哋打錯人」仍被追打