【獨媒報導】2019年7.21元朗事件中，遭白衣人施襲的前立法會議員林卓廷，與6男被控暴動罪，案件今（7日）在區域法院續審。林卓廷繼續作供，被問到在站內期間有否考慮離開，林表示：「我希望可以走得到，但係我係身不由己。」他指當時被白衣人包圍，若出閘的話「我覺得係送死囉」。他又指不知道安全撤退路線，但已經聯絡警長，覺得警方會在數分鐘內到場。他強調自己當時未完成保護市民的工作，「我覺得我保護市民嘅工作未完成，佢哋仲係咁危險，點可以喺佢哋危難之中，自己走咗去呢？」法官陳廣池問，「有冇曾經諗過或者叫同事再打畀警察追問？」林表示沒有，「警察已經知，仲要靠同事追？作用係冇囉。」
林認為上月台無法擋白衣人 故稱「唔好褪」、「頂住先」
林卓廷第3日作供，他稱抵達元朗站大堂付費區後，留意到地上有搶眼的紅色帶狀物體，現時相信「係白衣人嘅服飾記認」。其後林聽到男子說：「佢見我哋太多人喺上面，唔敢衝上去（月台）」，覺得對方意思是「第一批入黎襲擊女子嘅白衣人，畀站內相當數量嘅乘客阻止佢哋繼續襲擊」，因此最後離開。法官陳廣池質疑，林並非在現場，不可「將人哋講嘅嘢再發大」。辯方大律師黃錦娟追問，男子的話會否影響林對環境的評估。林表示會，其第一印象覺得白衣人的人數「似乎唔係好多」，而「佢哋怯於其他市民」。陳官質疑林只是估計，重申：「你係事實證人，你估嘅嘢我哋唔會接受。」
林提到，留意到一名白衣男子在輪椅閘口，曾經入閘又再出去。林感覺對方「係有帶頭角色」，因他站得最前，並曾與身旁的人溝通。他憶述對方外型獨特、身材高大、有紮辮及兩側剷青。片段顯示有男子說「上返月台先」；林卻不認同建議，因閘口已被打開，若不在原地阻擋白衣人將很危險，遂回應：「我哋褪呢，佢就衝入嚟」、「唔好褪、唔好褪，千祈唔好褪而家」、「頂住先，唔好入黎呀！」
林：白衣人向市民招手「想挑釁人出去」
林表示，其後見閘口有白衣人向付費區市民「翕手」，狀似「想挑釁啲人出去」，於是他勸阻市民步出，並大叫：「唔好出去，唔好追。」林見一名陌生男子打算向前行出去，於是用手拉着其背包，並將手遞近其左臂。陳官問林有否留意白衣人關閘門，林表示有，並指「似乎嗰一刻佢哋唔打算入嚟」。陳官追問既然白衣人不打算進來，為何林還要拉着男子。林解釋害怕對方再走前。
林稱舉手籲男士保護長者女性 官：點解乘客唔走？
片段顯示林稱：「一齊頂，落嚟幫手頂住佢」，他解釋早前有白衣人曾入閘，屬「好危險嘅先兆」，故害怕對方再衝入。陳官留意到林後方有批人手持雨傘，並問林有沒有叫過人打開雨傘；林表示沒有，又指因為外面有人擲物所以用雨傘抵擋。就自己在其後片段舉起手，他指希望呼籲男士下來保護乘客，包括女士及長者，希望「防守性」地頂着白衣人。陳官問：「啲乘客點解唔走？你憑咩話佢係乘客？」林回答：「喺西鐵站入面嘅自然係乘客囉。」
林稱被包圍無法離開：出閘我覺得係送死囉
辯方追問：「你有冇考慮過走？」林強調：「我希望可以走得到，但係我係身不由己。」他解釋離開付費區只有兩條路，即出閘及上月台，但閘外很多白衣人，因此出閘是「極其凶險」，「如果出去我覺得係送死囉。」至於上月台，他認為樓梯太多人亦是同樣危險。林續指，「當時感覺我哋係畀人包圍咗」，「我一直覺得警察係會好快到。」
林認為警方會在數分鐘內到場
辯方問以過往經驗，覺得警方何時會到，陳官打斷：「問過往經驗唔係好恰當，因為情況唔同晒。」林回答：「覺得幾分鐘內會到囉」，因警方一早已知道「吹大雞」事件，而且他早已聯絡警民關係組的鄧姓警長，對方回覆有便衣觀察。林又指，元朗站四周有閉路電視，「港鐵見到咁嘅事件，一定會聯絡警方」，不論警方、市民或港鐵均一直知道事件發生，所以林期望警方「幾分鐘會到」。
林認為未完成保護市民：點可以喺危難之中，自己走咗去呢？
林表示，「如果警察嚟到，我就覺得安全；警察未嚟，我唔知邊條路係安全撤退路線。」他又強調：「我一路關心市民安危，我入元朗係希望市民安全返屋企，市民都未有安全路線走，我點可以自己走咗去呢？」他另指早前向市民交代自己已聯絡指揮官，等候期間亦有人問「點解警察咁耐未到」，他相信市民與自己一樣，期望警方很快到場。林又指出，當時同事一直進行直播，拍攝施襲者的情況，這是未來刑事調查的重要證據。
林最後指，認為自己當時未完成保護市民的工作，「我覺得我保護市民嘅工作未完成，佢哋仲係咁危險，點可以喺佢哋危難之中，自己走咗去呢？」他覺得自己在場可阻止個別襲擊，早前成功喝止白衣人令其離開閘口，亦曾拉着想向前的市民。他補充：「如果警察嚟到，話有一條安全路線走，我會毫不猶疑呼籲大家跟警方逃生路線走。」
官質疑無拉着女子 林：無辦法做得最完美
陳官質疑，為何林沒有拉着一名站得很前、正用電話拍攝的女子，「既然你話保護市民啦？」林回應，因女子一直站在原地，亦不見有白衣人嘗試攻擊她；再加上現場太多事情發生，而「無辦法全部做得最完美」。陳官亦問，林是否知道當時月台列車仍如常行駛，林表示不知道。
官問有否打算再致電警 林：作用係邊呢？
陳官再問，「有冇曾經諗過，或者叫同事再打畀警察追問？」林表示沒有，「警察已經知，仲要靠同事追？作用係冇囉。」林重申早前已親自致電有經驗的警長，加上電話正用作直播。他最後指：「我有一點後悔，如果我有水晶球，我會留返手機求救」，並叫冼卓嵐用其電話直播。陳官追問：「有冇人阻止你用任何電話打畀警察？」林稱：「當然冇，不過我已經打咗啦嘛，再打作用係邊呢？後尾知道有無數個電話打去添啦。」
林稱「警察嚟緊拉晒你班仆街」冀對方知難而退
另外，林承認曾與一名記者交談，對方指認得白衣人是來自某一條村，林於是問：「呢條友知唔知佢叫咩名？」他亦同意自己當時有說：「警察嚟緊，拉晒你班仆街」，他希望能夠嘗試阻嚇白衣人，「等佢哋知難而退」，因早前使用身體語言阻止的方法不可行，他在電光火石間再想到說出上述句子，冀望「做得到盡量做囉」。他補充當時感憤怒故「加埋少少粗口」。陳官問：「點解你認為你影相有阻嚇性？」林解釋目的提醒對方被拍下樣貌後，將來要承擔法律責任。
林：不敢呼籲市民上月台乘車離開
陳官最後問：「你有冇諗過話逐步疏散市民上月台搭車走？」林表示當時未有安全逃走路線，故不敢呼籲，「如果有，大家即刻走。好驚佢哋（白衣人）衝入嚟，好大件事，尤其落單畀佢哋圍毆係不敢想像，可以搞出人命，啲棍咁樣打法可以打死人㗎。」
林一度稱：「警察依家嚟緊，你哋全部企喺度，夠膽企喺度唔好走。」他指這是反話，實際內心很想對方盡快離開。陳官質疑林聲稱心慌焦慮，卻又說這些話，「真係反話，佢走我唔知幾高興啦⋯⋯如果我跪喺度佢肯走，我即刻跪喺度呀！」
7名被告均否認暴動罪，包括：時任立法會議員林卓廷（43歲）、庾家豪（35歲）、陳永晞（37歲）、葉鑫昇（31歲）、鄺浩林（26歲）、尹仲明（48歲）及楊朗（26歲）。
案件編號：DCCC 1106/2020、1132/2022（已合併）
審訊第24日
林卓廷稱事前不信會在西鐵站公然打人：係香港歷史上前所未見
林卓廷抱歉未能保護受襲市民 哽咽稱：無力感非常重，香港唔應該係咁
審訊第23日
林卓廷稱被告知「鄉頭吹大雞」及「有劇本」：穿黑衫挑釁就「藤條fit兩吓」
林卓廷稱往元朗站「畀壓力」及監察警方行動 警長曾告知「一直有便衣睇住」