【獨媒報導】昨日是梁凌杰逝世第七年，天文台雖然發出黃色暴雨警告，不過下午起陸續有市民到場悼念，包括李盈姿、「女長毛」雷玉蓮等。（影片）
踏入晚上，天氣持續惡劣，仍有不少市民到場。身穿黑色上衣、手持一束風信子鮮花的女士，與丈夫前來悼念。
該女士摘下小束花朵放在心口，並將鮮花擺放花圃上，隨即有警員呼喝「唔好擺喺度呀」。她改用花圃內的積水「沖洗」鮮花，一邊說「七年前可以用朵花悼念你，七年後朵花變咗一個罪」，話畢向花圃低頭默哀。
她向《獨媒》表示，風信子寓意隨風而去，「由第一年可以放低，到2022年之後唔可以放低，每一次都係揸住摘花望一輪、企一輪，跟住摘花就會送咗去垃圾桶，有陣時表面嘅形式唔係真係咁重要，藏於心底先至會歷久常新」，「唔需要有花，我哋嘅心目中由19年開始就已經埋咗喺度。」
每年皆會到場悼念的阮先生，同樣手持白色鮮花，在花圃前祈禱默哀。他表示悼念「為咗（梁生）安息、唔好忘記佢，感謝佢為香港付出，香港人唔會忘記佢，起碼我啦。」他不憂被警方截查：「嚟得就唔驚啦，有咩嘢好驚，又唔係做壞事，做壞事嗰啲就應該驚囉，希望上帝公義能得到彰顯。」
阮先生
K同學（化名）雙手持一束白色鮮花，向花圃三鞠躬悼念，並輕聲低唱藍奕邦的歌曲《六月》。他到場前已遭警方記錄身份證、地址及搜身，「最想提自己一句就係唯我從此不再害怕，我想提醒自己有啲應該做嘅事就算驚都應該要做。」「唔容易嘅事你唔會覺得行禮如儀，而我都唔覺得今日大家做任何事係一件容易嘅事」。
前社民連外務副主席周嘉發及內務副主席余煒彬亦有場鞠躬悼念，對於每年悼念人數漸少，周嘉發稱「就係唔想接受呢個變化，所以先繼續堅持出嚟。」他坦言被炒身份證「擇名」對部分人來說有阻嚇性，擔心有後果，「我哋啲洗濕咗個頭嘅人，我又案底嘅，我都其實本來都返唔到大陸就冇所謂。」
余煒彬則指「香港仲係咪以前嘅香港……當仲係2019年之前嘅香港，今日出嚟悼年梁凌杰會唔會咁少呢？」「我哋唔帶花嚟、唔帶任何物品嚟，就係我哋為咗可以到達現場。」
周嘉發
2019年6月15日墜下身亡
2019年6月15日下午約4時，時年35歲的梁凌杰身穿「林鄭殺港 黑警冷血」的黃色雨衣，站在太古廣場外的臨時工作棚架平台，掛上「全面撤回送中，我們不是暴動，釋放學生傷者，林鄭下台，Help Hong Kong」的橫額。
約晚上9時，梁凌杰爬出棚架，消防員拉回不果，墮樓身亡。翌日6月16日，200萬人走上街頭要求撤回《逃犯條例》，民陣當時宣布有200萬零1人參與。
2021年進行的死因研訊中，陪審團一致裁定梁凌杰「死於不幸」。