【獨媒報導】香港大型同志嘉年華「Pink Dot HK 一點粉紅」將在12月10日於西九文化區舉行，同日為區議會選舉投票日。立場為反平權的趙佩玉今日（12月6日）到政總請願，稱昨日「天父緊急call我一定要去阻止呢個活動」，批活動分散投票人流，「應該鼓勵個個都去投票，唔係一齊去佢嗰度推動啲敗壞嘅嘢！」促政府停止租借西九文化區。
「耶書亞愛家工程」包括發言人趙佩玉一行四人今日到政府總部外請願，要求政府停止在12月10日租借西九文化區予「Pink Dot HK 一點粉紅」。立法會議員何君堯，特首辦、政務司司長辦公室等派代表列場接信。自稱從2014年起已反對「Pink Dot」、多次反平權的「約書亞愛家工程」發言人趙佩玉，形容「Pink Dot」為「同性戀性解放運動」，越來越多年輕人受到影響「覺得冇問題，走去試（同性戀）」等。
她又稱活動藏有政治訴求，「佔中啦，黑暴嘅時候，都係呢班推動同運嘅細路仔出咗嚟，如果而家又俾佢哋聚埋一齊」「可能又再反政府」，更提及日前宣布不會回港的周庭，「佢都自己逃咗去其他國家度，已經都⋯⋯出爾反爾」，「周庭都係支持同性戀㗎」。她指活動日與投票日撞期會分散人流，「投票日嚟㗎喎！應該鼓勵個個都去投票，唔係一齊去佢嗰度推動啲敗壞嘅嘢！」
何君堯感謝對方進行「一個咁艱巨嘅任務」，強調自己並非歧視，相反是歡迎「新概念，新文化」，但稱不可以包容、平等、公平等包裝不符合法例及傳統中華文化的價值。他又批評「Pink Dot」與區選「撞日」是「分散注意力」，呼籲「參加嘅係我哋公民嘅責任，係去投票，呢啲唔健康嘅節目可以唔去就唔去。」
立法會議員何君堯（右）
趙佩玉又提到「審判論」，指2018年颱風山竹襲港後翌日「就係俾咗同性伴侶入我哋嘅香港」，「加拿大有山火，美國一啲地方有山火，都係當佢推動同性婚姻或者性解放嘅嘢，真係會有審判㗎」。她稱昨日「天父緊急call我一定要去阻止呢個活動」，故徹夜不眠準備請願，「真係希望香港市民可以冇事」、「祝福香港市民一定要悔改」。
