（獨媒報導）九巴的貴價豪華巴士服務「星級尊線」P960及P968，自上週日（18日）起正式營運，巴士不設企位，座位亦較為舒適，為其收費比類近的路線高近五成。記者今日下午兩時在P968的總站元朗西觀察，原線968的乘客比P968高出甚多，不少P968的乘客抱試坐心態，期望P線乘客較少，以較高車費換取較舒服的乘客空間。
P968單程收$36.9比原線貴五成
九巴星級尊線以「P」字開頭，代表「premium」，以快捷、舒適和不設企位為主要賣點。兩條P線分別為P960（來往屯門兆康至灣仔北）及P968（來往元朗西至天后）。兩路線巴士採用歐盟六型環保引擎，全車設有窗簾、座椅腳部空間更寬敞，市民可以享用免費WI-FI及USB充電裝置。然而，兩條新增巴士線收費比原路線高近五成，其中P968收費$36.9，而「原線」968僅收$24.7，而P968更不能使用九巴月票，亦不設長者兩蚊乘客優惠。
記者在約下午2時到元朗西巴士總站視察，968平均約10分鐘開出一班，每班均有逾30名市民乘搭。P968在該段時間班次為40分鐘，每班皆不足10人在元朗西登車，大部分皆為年青人。
968常客試搭：希望人少啲會安全啲
三十多歲的袁先生今天碰巧放假，又需過海探望朋友，遂選擇試搭P968，「睇吓佢咩料先。」他指自己以前於機場上班，習慣了乘搭價錢較高的巴士，認為P968收費尚可接受，「都係貴大約十蚊，可以坐得舒服啲嘅，貴少少都抵。」他認為若價格稍為下降至$32會更好。
對於豪華巴士內的設備，袁先生表示期待不大，只稱因968在繁忙時間經常滿座，尤其是他於港島近尾站上環登車，期望乘搭P968能「舒舒服服咁，自己都開心啲。」
968常客黃先生亦於今日抱着「試伏」心態試搭968，他指有已試乘的同事向他稱P968乘客較少，行車速度較快。他同稱968人頭湧湧，欠缺適當防疫距離，「希望新車人少啲會安全啲。」他亦笑稱希望能有一個較寧靜的車廂，「啲人畀多十幾蚊有位坐，唔會咁躁啩。」
「巴膠」對P968無感：鍾意巴士，但係太貴喇
今日續有零星「巴士迷」到場拍攝，包括已成為「巴膠」逾十年的陳先生（化名），不過他稱不會「冒險」試搭。本身是968常客的陳先生，表示在元朗西總站登車「一定有位坐」，並多次重申P968過於昂貴。他又批評P968不設學生回程優惠，又指車廂設備欠特色，不少普通巴士亦同樣設有免費WI-FI，「除非冇得揀，如果唔係唔會搭。」
元朗居民駱先生夫婦則乘坐968過海，他們表示對P968不感興趣，認為新收費過高。駱先生指元朗居民普遍收入較低，質疑「元朗居民係咪真係會畀錢搭？」他指968本身班次偏密，而且很快便能抵達港島，又對P車設有的窗簾設備無感：「我又唔係好怕曬啫，哈哈。」
在場有長者不知道P968是新增的巴士線，途人告知她該線收費較高，且不可享用兩元長者優惠，她即驚訝地稱「有錢都唔會坐呀！我唔捨得坐咁貴！」
