（獨媒特約報導） 九巴年初向運輸署提出元朗、天水圍、洪水橋18條長途巴士線的雙向分段計劃，方便區內居民﹐計劃今日正式開始。元朗區議會巴士服務工作小組主席陳樹暉及區議員梁德明在下午試搭其中兩條巴士線276P及68A，認為分段收費「唔會殺咗輕鐵」，能紓緩輕鐵擠擁問題。他們認為雖然現時有些拍卡機的位置不算方便，亦建議九巴在車廂及巴士站張貼顯眼的告示和海報宣傳。
元朗區民主派區議員在5月的元朗巴士服務工作小組會議曾通過動議，要求運輸署盡快落實18線區內巴士線的分段收費，運輸署7月落實17條巴士線，並於今日（8月8日）正式開始計劃。九巴根據分段收費安排及巴士站的供電設施，於屯門、元朗及天水圍的巴士站設置28部八達通拍卡機，相關路線的乘客須在3小時內下車拍卡以獲得車費回扣。路線包括58M、58X、63X、68A、68X、69M、69X、260X、268B、268C、268X、269B、279C、269D、276、276A及276P線，市民可以$4.3至$6.2的價錢在區內乘搭巴士。
區議員陳樹暉表示，拍卡機需要供電設備，所以現時主要安裝於較大型的車站和有電子廣告牌的巴士站，「如果佢要整多啲站，就要同地政、路政、運輸署申請，要掘路同供電。」他指之後都會嘗試在區議會上推動擴展拍卡地點。
另一區議員梁德明指，「九巴想大家快啲可以試下個分段收費，做咗啲容易啲嘅先。雖然有啲位置未係好理想，但係有啲港鐵站同形點都會有。」陳樹暉曾建議在巴士前後門裝拍卡機，但九巴認為未解決到長途乘客「偷雞」拍卡的問題。
左起：梁德明、陳樹暉
對於巴士分段收費會否「搶客」，陳樹暉認為「唔會殺咗輕鐵 ，反而紓緩到輕鐵擠擁的情況，啲人都會覺得輕鐵舒服咗。平時返工時間，洪水橋（輕鐵站） 企到落路軌。」他們在下午試搭276P線由洪水橋去元朗，沿途道路非常順暢，梁德明指「（搭巴士）一定舒服咗」，陳樹暉認為「巴士少啲站站停，大家都慣咗搭輕鐵，巴士呢條路好順。」他們建議搭短程的市民坐巴士下層，「上落方便啲，同埋條巴士會順啲。」
他們視察在元朗鬧市的兩個拍卡機，發現市民都不太察覺到拍卡機，記者在拍卡機附近觀察數班巴士，發覺亦未見乘客使用。而在元朗西巴士站的拍卡機在站長休息室側面的牆壁，要走近才見到。巴士站雖有告示，但並不顯眼。陳樹暉及梁德明均認為九巴應在附近貼告示，以及在車廂內和巴士站貼海報宣傳。