【獨媒報導】港隊在東亞足球錦標賽最尾一輪賽事，以0：1負中國。然而，今場賽事不乏火藥味，國足球員王鈺棟更是惹火，在一次爭波中將孫銘謙迫出底線後，更作出挑釁。陳俊樂見狀後立刻為隊友出頭，衝前以雙語連番質問王鈺棟。在比賽後，陳俊樂認為「要support 返自己隊友都緊要」：「要keep 返個氣勢，唔可以俾佢係咁話我啲隊友。」
《獨媒》記者 韓國龍仁市直擊
在今場「中港大戰」中，上半場發生了一段小插曲，兩隊在一次爭波後，王鈺棟逼孫銘謙出底線後再作出挑釁。陳俊樂見狀即衝前為隊友出頭，他先以英文稱「What ?」，在王鈺棟未有反應後再改以普通話稱：「幹嘛？你幹嘛？」在比賽後，陳俊樂對記者表示，必須支持隊友：「要keep返個氣勢，唔可以俾佢話我啲隊友。」
王鈺棟成惹火人物 陳俊樂指「中港大戰」屬打吡有衝突正常
下半場戰至54分鐘，兩隊一度爆發衝突，賓紀文侵犯王鈺棟，陳俊樂在旁撞向王鈺棟，後者竟發難推倒陳俊樂，最後更要由兩隊職球員分隔開。
在比賽後，陳俊樂稱王鈺棟當時推撞自己，認為「正常應該俾紅牌佢」：「但球證跟住無俾，所以有啲唔好彩。」他認為雙方有衝突屬正常，畢竟「中港大戰」屬於打吡賽事：「同埋緊湊啦可能，贏緊1：0，不過都係踢波啫。」
陳俊樂：每次對中國都想贏 感謝遠征球迷支持
從隊友陳晉一被所屬的中超球會召回，到兩隊埋身肉搏，今場「中港大戰」毫無疑問有大戰氣氛。陳俊樂認為，國足世界排名94遠較香港的第147名為高，「每次對中國其實我哋都想贏」：「今次不過就差少少，攻守都可以再做好少少，其實係有機會，希望下次再踢嘅時候再咬得近啲。」
此外，逾千名香港球迷遠征韓國入場為港隊打氣，陳俊樂表示「好感動」，並感謝他們的支持：「好開心，雖然今次踢得麻麻，成績都差啲，希望嚟緊仲有好多比賽，佢哋會繼續支持我哋。」