近期跟新聞跟得唔貼，只是隱若知道14歲懷孕女生自拍事件、衛詩關楚耀藏大麻禁毒乘機抽水、社民連掟蕉繼而講「粗口」、為市民健康着想加煙稅，一浪接一浪的道德恐慌......唔飲酒唔食煙唔抽大麻唔講粗口多年無不正當性行為我我，尋晚沖涼前聽了曾蔭權說：「我絕對唔認同將呢件事淡化成粗口定義既問題...我地推崇啲咩野既家庭既價值觀，想我地想豎立啲咩野既榜樣比我地下一代，我地點樣維護我地基本既道德價值，呢啲先至係我地核心既問題......」唔知點解，竟覺得開猛開熱水爐，都仲係腳仔凍(重溫)
議事堂內官員發言經常巴巴結結，連文過飾非都不做不到，自家未能雅正，又何德何能映襯出社民連的仆街市俗？明明係政治問題，竟然混淆視聽說成是道德問題。政治抑壓加性抑壓，連言語與抽煙都被抑壓，法西斯式潔癖。剛看了今集激辯，陳鑑林竟然拿「講粗口係咪民主政治？」屈機劉惠卿，卿姐駁不過去，陳鑑林頓有如自冕道德光環─我睇我今晚沖涼都會繼續腳仔凍。這邊廂曾政府要搞新生活運動，那邊箱社民連論盡你何媽越向社會的底層尋根究底發挖惡勢力。難怪陳雲近日接受壹周刊訪問也要拿自己的性生活做過橋，斧底抽薪先打破知識份子的道德光環，難道就是為了要打破特區政府的道德光環？政治敏感年，連迂迴曲折的草泥馬也不敵河蟹。難道我們要真要回到傳紙仔搞革命的時代？
吾，不欲觀之矣！
翻箱倒匣，找出n年前讀書時舊作。應節也。