（獨媒特約報導）今日是雨傘運動9.28五周年，有網民發起「光復香港連儂革命」，將「反送中」文宣由維園貼到政總外的「元祖連儂牆」，近百人響應。
示威者下午4時在維園集合，將文宣沿途一直貼至政總外的連儂牆。有示威者將文宣貼在沿途的中資銀行、Starbucks的等。
Alfred
「唔會因為恐懼而退縮，如果每個人都因為驚就唔出就會冇人㗎啦。」年僅13歲的Alfred道。他指自己有行動就會出現，有時獨個出去，有時會聯同同學及舅父參與活動，希望「幫到幾多就幫」，並稱自己為「半勇武」，今次則希望透過大量文宣引起關注。
Alfred對不同政見的人士表示尊重，尤其因為家中有一位「藍絲」媽媽。「8.31佢（媽媽）喺電視見到我，鬧交鬧得好犀利。我冇諗過要離家出走，唔想屋企因為呢個政府而分裂。」他又慶幸自己的學校對是次運動保持中立及持平，會舉辦講座，讓學生和老師討論。Alfred指有一名老師會於一小時的課堂中，花20分鐘大講政治，「佢（老師）老公係速龍，佢會叫我哋（學生）唔好去黃個邊，佢話係示威者破壞香港」，更會問學生「你哋有冇腦㗎？」
Andrew、Kitty
Kitty和Andrew兩夫婦坐在維園旁準備，「睇下有咩可以幫手，同支持下活動」。至反送中運動開始後，幾乎每個周末都有行動，Kitty表示「係少咗拍拖同家庭時間，但犧牲咗家庭時間都覺得值得」。Andrew和Kitty會和子女分析近來發生的事件，教他們有關「自由、民主」的概念。作為爸爸，Andrew不會主動叫子女罷課，但對罷課持開放態度。Kitty則認為學生主要的責任是讀書，但尊重每一個年輕人的想法。面對香港前境，為着子女的前途，兩人都不禁想到移民。他們都指心情「好矛盾」，離開香港如同不負責任，但為着子女着想「真係無得唔諗，如果有得走一定會唔走」。
Bryan、Tiffany
情侶Bryan及Tiffany於周末放棄拍拖，選擇出來幫手貼文宣，作和平抗爭。Tiffany指兩人一齊參與社會運動都可以是「拍拖」，而且是香港第一次團結起來，十分值得。她續指年紀大的人不會上網接收資訊，平日通常看無線新聞，所以在公園貼文宣尤其重要，「好多老人家行過會睇到」。兩位原來都不是「跟貼」時事的年輕人，5年前「雨革」都沒有出去佔領或留守，只會稍微看新聞。兩位於今次「反送中」卻截然不同，會身體力行遊行抗爭，Bryan稱今次行動是第一次出去表達訴救，因為覺得是最後一次。面對警察濫捕，Bryan有時都會害怕Tiffany會有危險或突然被捕，故會特別在活動中保護她。
記者：鄒樂瑤