黃之聯盟 （上）
黃店破壞事件，令筆者有感而發一句話，"adapt to survive", 眼見多數黃色小店都係非連鎖小店。運動去到呢個階段係咪已經去到樽頸位呢？假如已經去到樽頸位究竟可以點樣突破呢？
筆者希望可以拋出想法，讓大家共同思考一下。
1 共榮圈之安全罩
首先我想探討嘅係一個黃店分區同盟嘅概念。
其中一個最大嘅原因係可以形成一個保護整個同盟嘅保護罩。大家互相 watch your back。喺呢個同盟嘅概念上，大家依然係競爭者，競爭嘅同時雙方又會分享利益。再加上黃色小店基本上，都係一啲自僱形式架構比較細既小店。所以同盟嘅威力 會突顯放大咗每一個小店嘅存在價值。
另外在安全上，同盟會呢一個概念，亦都會形成咗一個喺安全保護罩。唔知大家記唔記得有一套戲，好似係富貴再三逼人，董驃係的士司機，佢有危險叫曬啲的士同行去幫拖。我諗大家都會知道每一個的士司機都係自僱人士，能力有限，但係佢地集合力量可以變得好龐大。
要知到呢一種同盟概念係非常之重要，可以變番七八十年代，大家守望相助嘅屋邨模式，只不過安放咗喺個商業價格上面。
2 同盟會之共榮圈
就好似航空公司嘅飛行獎勵計劃一樣，佢哋嘅積分可以互換，點解佢哋要咁做呢？
之前曾經提議過，黃藍店嘅分類係非常之重要。分類嘅方便程度可以令效果有十級提高。本身已經支持既朋友仔根本點都會支持，相反係要令更多人可以參與。
以前老師說過世界上懶人係最多。筆者認為咁唔代表佢地無心支持，所以要湊埋佢地！另外，對家我地都想要佢地轉呔，令全個社會都係黃店先係個終極目的。 例如，如果有高手可以做一個 apps 好似 openrice 咁樣，可以令用家方便篩選，咁樣就會更加有效率。
第二步可以做嘅係，令所有黃店形成一個互助經濟圈。 共用大家嘅 coupon 印仔以至於積分，假如所有呢啲消費，都可以兌換成積分，咁可以令大眾市民更有推動力去幫襯共榮圈店，小店從而形成連鎖吸引。積分亦都可以形成兌換餐券，去支援前線嘅 年青人小朋友，呢一個係一個好大嘅 project，未必 可以短時間內完成，且要有好多高手去探討。但係呢一個共榮圈嘅概念，可以長期幫助到未來抗爭嘅發展。
3 藍色無間道
好多朋友都會介意.突然轉黃色嘅店舖。筆者不才 ，但覺得就算有呢啲無間道未必係壞事，點解？ 有睇無間道既觀眾，覺得梁朝華幫唔幫到曾志偉做嘢？
很多時佢地既憤恨由於生意，而如果因共榮圈佢地能夠生存，佢地可能會很忠誠。
假如因為利益而跪低，佢哋從此以後喺其他人眼中都已經係黃色。仲可能係因為咁將佢哋染色！既然係咁我哋要選擇嘅係，要將佢哋推走定係想要吸納佢地呢啲人？想我哋嘅團隊係會越嚟越大定係小圈子？假如可以用機制將佢哋跪低，會唔會更好？ 圈子大了係咪更能實質去保護到小黃店？
同時候，需要共榮圈互相付出，令肯為共榮圈付出既先可以得到榮光，例如上文講既積分。