4 用者裁判
一間餐廳，如果老闆黃而侍應係藍，呢個店係黃定藍？
一個好既分類 App 係非常需要。現市面上用 facebook專頁，未能有效分類，每次有人問有人探討完，就沉下去，多少人會去一直係個專頁去尋找？講完又多少人記得？
加上，現有系統上有一個非常大的缺點。現有既黃藍分類大多以個人觀點角度出發，消息有時混亂，令使用者會懷疑店的心態。假如分類以comment 形式會令可信性大增，用者亦可自我作決定，就好似open rice, 從來無話你知佢係好定唔好，用家自己決定。
5 大鑊飯
筆者每次看報導，有人為抗爭和家人決裂，有小朋友餓著肚子，心裡非常內疚，但無從協助。所以筆者一直希望出現一種香港人光環。
香港大部分人從事既係服務業，多過80%人參與此類工作。今日抗爭，有多小人失去工作？有多少人因而入獄？
假如共榮圈出現，未來希望有智者集資出現大鑊飯店家。每個小區出現一間類似深水埗明哥店，可以請返有需要既人仕，至少確保喺抗爭路上，每個人都有飯食。
取之於民用之於民，抗爭大眾支持形成自給自足經濟。
6 協助小店
我哋都識得龍門冰室，但係其他小店呢？！真係要俾人打爛啲野，先叫黃先要罰？
屋企附近既黃店，我哋有冇為佢哋諗過呢？ 究竟香港有幾多黃店一齊抗爭但得唔到我地既協助？！
真正可以幫到個經濟圈，其中重點係隨處開花。只係集中喺一個區份，一群店鋪，不能幫助全綫發展。假如每個村都可以真正做到“行多步，撐黃舖”，做成每區既賣菜阿姐都發現個影響力，先可以將呢個思維擴大。
先安內後攘外，抗紅色資本想引發所謂支爆，太遙遠，但如何令香港團結助抗爭，才是先決。
當每一區形成一個自我共榮圈，那就變成一個集體力量，比之每每舟車勞頓去排隊撐一間，更能令力量聚焦。
7 自由旅遊
是時候，要給世界身為自由愛好者知道，來到香港，那一個酒店是他們應該選擇。
一個網頁，一本旅遊書，再唔係來一個lonely freedom planet. 是時候令那些為自由付出既得到協助。酒店因事件而失去旅客，領隊沒工作，很多生意因旅遊業冬季而失敗。
香港，一直靠旅遊，如何利用此機會重新洗牌，令民主自由協助旅遊業，讓支持民主既旅客，協助同道生存，從而令更多人投靠。
不要幻想每一個人也可犧牲去抗爭，很多手停口停既市民，因生活而對運動反感生氣，因政府政策協助而跪下，協助他們融入抗爭，才會令成功大增。
筆者不才，以上都只是淺見，以今日年青一代的才智，一定可以令共榮圈上升到另一個高度。