好多人都會將今次嘅反送中運動同愛國掛勾，筆者對於這個，可以係話大惑不解。
當我地談論愛國定唔愛國嘅時候，首先，一個重點係，我哋要先解釋咗，何謂愛國呢？
愛國一共兩個字，“愛”同“國”。
首先釐清"國"嘅定義，我哋以中國為我地探討嘅一個例子。中國，五千年歷史，中華民族，中華文化，係我哋講既中國？一話係現時政權，係我哋講緊嘅中國呢？
假如前者係你所講既國，你要去愛既明顯係呢個地方包括中國五千年歷史，中華民族文化，以及九流十家，儒道墨之乎者也，禮儀廉恥，其中亦包括香港因歷史而成就既獨特價值。
又假如政權代表你口中既國，那你應同時由春秋戰國秦漢直至元清各朝代愛起。因為那每個朝代政權，也是你口中的中國。殺人如麻既始皇，視漢人如乞丐的大元，你都應好好的愛上，要不然你會背負不愛國之名。
又假如你現在回答我，我愛的就只是現在政黨與政權，那你這是愛黨愛權力，和愛國沾不上邊，不是愛國，文字上是有大分別。
這樣做有沒有問題，宋有童貫唐有李林甫，他們都是盲目的支持自己的政權，那究竟是否愛國？
看見父親家暴自己的母親至死，而大聲叫好;看見師長體訓自己的同學重傷，而大力拍掌;看見兒子欺凌朋友殘廢，而大力讚揚。那是愛？
那種讚揚，就是見兒子吸毒，還怕他沒錢買毒品而資助一樣。
唐之魏徵，以直諫太宗聞於歷史，以史為鏡，可知興衰。不站高牆，不問利益，那才是真愛。愛之深責之切，若見事不提，見錯不責，那還是愛嗎？
愛國之言，只是道德綁架矣。