呼籲各位朋友，政府個普及檢測（點解唔叫廣東話「化驗」？）我覺得真係唔好試。
原因眾多：
1）人群聚集，留喺咁多人集中除口罩嘅地方本身已經係危險，唔好搏。
2）個測試係好痛好痛超級痛！要由鼻孔將條嘢深入隊 15 厘米到鼻咽再撩呀！
3）過程中如果有人打乞嗤、飛沫傳播，高危。（袁國勇醫生提供。）
4）大陸醫護人員係冇檢疫就來港。
5）幫手嘅職員唔係專業人員，係政府怕冇人肯做，用高薪請返嚟嘅市民。當中有學生，有退休大叔大嬸，佢哋只係上咗少少訓練（睇片訓練），專業人員只係睇場。
6）有冇試過抽血？抽血條友手勢唔好都瘀哂啦，咁大支嘢隊入鼻哥窿，手勢唔好應該血流成河。
7）好喇，完成化驗，結果冇事好開心啦，原來可以唔準㗎喎。因為政府呢間檢測公司，啱啱俾瑞典政府退貨，原因係因為假陽性。
8）宏觀啲睇，參加者驗完冇事，可以之後再被感染㗎嘛，其實點防疫呢？
9）DNA送中，間公司係新疆集中營嗰間，佢冇牌照，冇諮詢區議員民意，太少人參與會係廢，用幾百萬納稅人嘅錢去宣傳，直接隔接令公司逼員工驗（社福界都出事了）...呢啲我唔講喇，大家識睇新聞會明。
10）我唔知點解有人覺得咁有需要驗，市民又係咪真係咁神心有呢個義務驗。如果真係覺得一定驗，我呼籲大家花少少錢，去私家診所啦。最平樂善堂診所250蚊，專業啲，免卻好多擔心。
有化驗做嘅基層醫療醫生
其他可靠公司，網絡上好多分享喇。
又唔封關，再咁落去防疫措施放寬吓又收緊吓都唔知搞到幾時。真心想抗疫嘅，有台灣紐西蘭參考，我寧願封關啦。