題為編輯所擬。
深水埗主教山因為水務署嘅工程，令到埋藏左百年嘅地下配水庫曝光，大家驚歎古蹟的美，亦都充滿疑問，點解政府部門會走去拆左佢。
成件事都好明顯，一定係有人漏招，而且係好嚴重嘅行政失誤，問題只不過係究竟責在水務署定古蹟辦？根據而家嘅政策，負責政府工程嘅部問需要喺工程開始之前向古蹟辦確認工程地盤有否歷史文物建築，並交由古蹟辦決定需唔需要進行歷史文物影響評估。而水務署透露其實有詢問過古蹟辦問佢地攞意見喎，咁古蹟辦答左啲乜呢？
麻煩我地最尊敬嘅 #估即辧 蕭領導，不如出嚟講兩句？聽講好多人搵緊你喎……
民間可以做嘅事有唔少：
1. 要求古諮會召開緊急會議，把這個配水庫建築列為暫定古蹟，確保未來一年工程必需暫停；
2. 同時要求古蹟辦立即啟動評級工作，為這與九龍水塘水利建設有關聯的建築公允地評估其文物價值；
3. 民間關心保育的團體可以發起聯署，讓更多公眾參與跟進事件；
4. 民間的高手亦都開始鑽研做紥實嘅研究，確立呢度嘅文物價值，唔好單靠古蹟辦；
5. 最後，傳媒及議員一定要跟進，究竟古蹟辦與水務署之間的溝通出了甚麼問題？究竟古蹟辦回覆左啲乜？為何對下面有如此完整的水務結構完全幪然不知？今次係牽涉歷史保育嚴重嘅失誤，一定要堵塞漏洞，唔可以俾咁離譜嘅事再次發生。