【獨媒報導】宏福苑大維修期間發生五級火，釀成168人死，封窗的易燃發泡膠板被視為助燃元兇之一。房屋局獨立審查組（ICU）高級屋宇保養測量師古小平周三（6日）作供，表示當時承建商「宏業」告知會分期「三層三層」以發泡膠封窗，雖然他曾到屋苑視察，但被棚網遮擋而不知全幢大廈窗戶同時被封。委員會代表大律師杜淦堃展示十數張工程顧問「鴻毅」向 ICU 提交的照片及影片，當中窗戶皆被發泡膠密封。古小平解釋，該批照片、影片的重點為窗眉打鑿工程，故「真係無留意」封窗，另同意自己「俾宏業同鴻毅呃咗」。
宏福苑強制大維修期間，古小平為房屋局獨立調查組強制驗樓小組（MBIS）主管。宏福苑居民於2024年9月20日透過1823投訴「宏業」以發泡膠封窗有易燃風險，古小平同日囑咐下屬、屋宇保養測量師劉嘉敏安排低調巡查，並於9月25日實地視察。當日屋苑其中3座大廈已搭棚及圍上棚網，古上樓時見到大堂一扇窗被發泡膠板封住，不肯定大樓住宅單位有無被貼發泡膠；其餘五座大廈則未搭棚亦無貼發泡膠。委員會主席陸啟康追問：「我想問點解你會睇唔到？就算有棚網，點會睇唔到入面啲窗有無封？」古小平解釋，承建商在打鑿期間使用閉目式棚網、孔眼細密，所以「出面真係睇唔到」。
陸啟康
然而，多名居民早前表示單位在當年9月底已被發泡膠封住，有人最早在9月4日發現單位窗門被封。杜淦堃質疑，古小平收到投訴但無實地巡視了解情況。古不同意，指自己在10月28日再約「宏業」了解打鑿流程，對方當時指「三層三層封，流水作業式做法，一路封一路打落去」。杜再質疑，古小平輕易相信承建商：「佢咁講你就信佢，但只要去睇吓就知唔準確。」古則表示：「當時信左 RC（承建商），無諗到佢哋對我講嘅說話係錯嘅。」他亦因此無要求對方提供發泡膠的阻燃證書，「風險睇落去係可控，未必違反（建築物條例），無基礎叫佢提供證書。」
杜淦堃
古小平在會上表示，曾在2025年1月17日讀過一封電郵，見承建商向居民表示已完成打鑿並拆去玻璃防護，此後 ICU 再無收到居民針對發泡膠投訴，因此未發現宏福苑被發泡膠封窗超過一年。然而，杜指出 ICU 在2025年1月曾處理居民有關窗台工程的投訴，並展示 ICU 職員當時拍攝的窗戶照片，相中玻璃窗被大塊白色發泡膠封住。古小平解釋，當日注意力集中於窗台問題，有看過該照片，但無留意窗戶被封。委員會主席陸啟康看着照片不禁問：「呢張無留意？」杜淦堃即回應：「無留意合理啲㗎，如果留意咗都覺得無問題係比較難接受。」
獨立委員會首席代表、資深大律師 杜淦堃
杜淦堃隨後展示工程顧問「鴻毅」同年3月提交 ICU 的報告，再有相片顯示窗戶被封。古小平回應，該報告針對石屎維修而非工程，他沒有逐頁看。杜聞言隨即展示報告中至少十幾頁及兩段影片，皆顯示不同單位的窗戶仍被發泡膠封住，更形容「搵到無封嘅窗都唔係容易」。古強調該報告並非針對發泡膠封窗，因此「真係唔會留意到隔籬有發泡膠板，因為注意力喺打鑿嗰度」，又指部份照片為屋苑辦事處窗戶，辦事處封窗不代表住宅單位有封。
宏福苑法團文件圖片
宏福苑法團文件圖片
另外，古小平在證人供詞指曾向顧問謝錦明諮詢，獲回覆稱發泡膠封窗不受《建築物（管理）條例》規管，而謝錦明作供則指無印象曾與古討論，表示長期發泡膠封窗肯定違例。杜淦堃今再向古小平確認，他堅稱向謝諮詢「一定係事實」，自己一向知道大規模、長時間以發泡膠封窗違反《建築物（管理）條例》第16條，但其時被告知會分層封窗，又指自己看法原則上與屋宇署助理署長張玉清一致。他回應提問時亦同意，長時間以不透光物料封窗違《建築物（建造）條例》，但無界線釐定何謂「長時間」。
綜合古小平供詞，他收到居民投訴發泡膠封窗後，不但實地視察，與承建商交涉，亦曾向同事確認相關法例，然而他從未寫低與承建商及謝錦明的溝通內容作紀錄。杜淦堃質疑：「做咗咁多嘢一粒字都唔寫低，呢個係咪你嘅做法？」古小平稱「我都係將我所知嘅口述畀謝先生知道，發泡膠封窗都係簡單易明嘅事」，表示工作指引無要求請教謝錦明後要寫低，不過「望返轉頭」便覺得有紀錄是較好做法，可以保障大家。杜即指出，紀錄並非單為保障，也為將來處理同類個案有據可依。
宏福苑火災獨立委員會 聽證會｜第二十二日
倘大廈有法團、獲區議員「推薦」 愈大機會被強制驗樓 杜淦堃指不合邏輯
ICU「監察」驗樓報告包括對簽名睇目錄 承認不會察覺工程「講一套做一套」
測試採樣全新未拆棚網 ICU古小平：地下嗰啲等同上面嗰啲
沈鉅忠死後兩年ICU始知悉 與新RI吳躍「零溝通」 古小平無回應是否荒謬
曾巡查仍不知發泡膠封窗逾年 古小平：無留意、俾宏業同鴻毅呃咗
巡10次「通水」8次 宏業一度乘機換網 ICU：唔可以預測佢咁離譜做手腳
災後始悉證書造假 ICU稱新棚網「顏色不同不代表要新證書」
居民斥 ICU「呃飯食」古小平稱有認真跟進：制度有問題
宏福苑火災獨立委員會 聽證會｜第二十一日
黃碧嬌疑訛稱工程延誤將扣減居民資助 市建局：錯嘅
競委會10年前已揭顧問低價入標再伙承建商抬價 市建局經理指不宜判斷報價合理與否
市建局總監承認無法處理顧問與承建商勾當：「知有賊，唔代表全世界都係賊」
招標妥無法阻圍標 杜淦堃指名稱令市民有錯覺「用咗一定妥」 總監：不能否認
簽約前居民屢次舉報勾當 市建局稱可找其他部門「唔難諗到係屋宇署」
市建局3間「獨立顧問」准接外間工作 毋須申報與承建商利益
多間公司聘相同律師樓證「零訴訟」