以下是一名教學助理(Teaching assistant, TA)的自述，教學助理是近年教育界一個新工種，地位低於老師，人工更只是$7000-9000，卻吸引不少有心投身教育界的大學生去做呢份工。
以下是一名TA的經驗，一名在AL 成績優異的大學生，入了本地最高學府，而且入了精英學科。但為了理想，卻甘心受中學生的欺凌。
--------------------------------------------------------------------------------
學生都會和我 GOOD BYE CLASS。這是我每天唯一找到尊嚴的地方。
尊嚴
其他時候︰
- 我入來，學生好開心。因為表示該課老師無番，所以有自修堂。
- 他們可以放心玩，因為我"無權、無膽" 罰佢地
- 有TA 駡過班學生噪，結果全班聯口串TA︰"你只是TA ，不是老師，不要理我地咁多"
- "你咁低級，唔好理我地"
請個TA 都係用來代堂，代堂就係座係課室。TA的在學生眼中，TA 都是一D收左錢，無野做既人。因為在學生眼中，老師就係只需要教書，你咁後生又唔駛教書，入來課室就座係度。你一定係蛀米大蟲，無為青年，收左人工，又無野做。
見ＴＡ都係呆座課室代堂，好多時都係中學生望住一個呆呆地座係度既大學生。
好多TA 通常都係初初出來做野的大學生，又未有CLASSROOM MANAGEMENT 的經驗，結果TA在課室都係無權(唔知自己有甚麼權)無勢，任學生"漁""肉"。TA見到同學打架、gambling、說燥口，情況失控，TA都驚慌失措。
堂堂一個大學生，竟然被中學生欺負。明明自己都有D學識，竟然被一些band 3中學生看低，被人以為你是垃圾。
有心和無心ＴＡ
有兩類TA︰
(一)︰把TA 當係一份工
(二)︰把TA 當作成為老師的踏腳石
(一)個D ＴＡ，當然他們在學校點差都好，無所謂喇，得過且過，校長唔炒就得。人工唔係太低，又可以準時收工，對要求不高的大學生來說，都算是不錯。
(二)個D ＴＡ，被學生 "蝦" 得多，他在學生面前的尊嚴都無了。都幾打擊佢地投身教育界的念頭，”一鼓作氣，再而．．．．”
不
過我又認為，TA是一個好好考驗一個人對教育有無熱誠的工作，你在如此劣勢下如何在CLASSROOM
生存？你如果真係想成為教育界人士，這少少苦不算是甚麼，這都是比你磨鍊下技巧的機會。
老師的工作不只教書。同一INTERVIEW
者，如果一人未做過老師，一人做過TA。做TA的應該在CLASSROOM ＭＡＮＡＧＥＭＥＮＴ 有心得過另一位。
好多人都以為老師只是教書咁簡單，有
學歷就得，所以才有人問”我有ＭＡＳＴＥＲ 可否做老師”、”我有ＸＸ學位，可否做老師”、 ”ＰＧＤＥ是否必需的”的怪問。
好多學生行為老師都要理，ＰＧＤＥ都教唔到咁多，真係講執生。
一個有心的ＴＡ在ＣＬＡＳＳＲＯＯＭ中的表現可以勝過一個老師
一個無心的ＴＡ在ＣＬＡＳＳＲＯＯＭ只是一棵樹，學生可能尊重一個校工多過你。
一個有心的ＴＡ，同學會當你係老師，會向你ＳＡＹ 早晨、ＢＹＥ ＢＹＥ。
一個無心的ＴＡ，同學會當你座ＯＦＦＩＣＥ個Ｄ人咁，當你係度打份工。
一個有心的ＴＡ，個經驗對你日後教學好有用
一個無心的ＴＡ，成日以為不是老師的工作經驗，不ＣＯＵＮＴ 去老師升ＰＯＩＮＴＳ的經驗是無用的
-------------------------------------------------------------------------------
林老師上