《福祿壽》演唱會以懐舊做主題，由懐緬香港人80年代電視撈飯、橫跨到2千年，算是集體回憶 show。阮兆祥、王祖藍和李思捷是大台扮嘢節目塑造出來的3 位諧星，他們以惡搞見稱，反串女角、扮鬼扮馬都是他們的強項，有觀眾入場為了睇他們的扮嘢，也有不少人希望看一場特別既 show ，那便難免失望。
首先福祿壽以蝙蝠俠、美國隊長 和神奇女俠既造型出場，又唱又跳，然後互相嘲諷呢10 年做過什麼作為開場，他們的造型其實同主題吾係太夾，有點不倫不類。不過，明白福祿壽係搞笑組合，也就不去考究。
之後3 人扮人妖、汪明荃、四大天王、特首以至 Michael Jackson、韓國歌星阿
Psy等，都係發揮他們扮野及搞笑本色，由80年代開始數，邊個適合就扮邊個，甚至祖藍突然扮魔雪奇緣的 Elsa，全部無厘頭串連在一起，有炒埋一碟既感覺，只係想引觀眾笑，多過探索這20年香港影視界的什麼意義。
福祿壽這個組合已經10 年，大家其實也想看看他們有什麼突破。這次演唱會卻沒有新思維，連扮嘢也沒有王祖藍在湖南衛視節目扮鄧紫棋果種驚喜。今次演唱會，3個人之中，個人認為表現最好是阮兆祥，減左20幾磅，有點脫胎換骨，而且他有幾 part 都做得吾錯，扮日本大學生唱跳舞、扮韓國歌星阿 Psy 跳騎馬舞，同契女陳禛 rap 廣播道殺人事件，都恰到好處。不過，最好看還是他深情唱歌果部分，尤其唱《二把》呢隻歌，真係幾感動，其實祥仔無論唱歌、演戲都好好，偏偏做吾到第一，但他安於做二把，實在令人尊敬。
至於王祖藍，他扮阿姐唱楊門女將最好睇，其他沒什麼特別，但祖藍功力吾止咁，應該可以更好，所以有點失望。李思捷近期有點跌watt ，他扮四大天王加周星馳、許冠文係一絕，但以前已經看過，觀眾喜歡有驚喜，今次嘗試扮 Michael Jackson moon walk，可惜佢吾係好跳得，今個演唱會，他總是差那麼一點點，希望他儘快走出一條新路。