【獨媒報導】自2005年起開播的民間電台，6月30日起停運，結束18年歷史。前民主黨主席劉慧卿邀請電台創辦人曾健成參與網台節目，討論電台的結束。被問有沒有計劃移民，曾健成稱沒打算移民，亦「冇驚過」。惟他又指現在自己「逢一都驚」：「元旦、十一、七一、五一、七二一、八三一，有親一字都驚，逢一都驚，我都驚，我出街都驚，出街有人搜你。」
自2005年起開台的民間電台，6月30日起停運，結束18年歷史。前民主黨主席劉慧卿主持網台節目「ChatDP with Emily Lau」，邀請民間電台創辦人曾健成一起討論電台的結束。
曾健成表示民間電台的銀行戶口被封，無法接獲捐款，難以營運，「今時今日邊間銀行可以容納一個叫做民間電台嘅戶口？」他指民間電台一星期播放五晚，但能邀請的嘉賓愈來愈少，「一路18年都係咁，今時今日點可以頂到？我放監都要頂兩集，其他嘉賓越嚟越少，喺呢個情況下，壯士斷臂先囉。」
曾健成稱於赤柱監獄服刑可以見到很多「老友」
曾健成因為2020年7月1日「煽惑他人明知而參與未經批准集結罪」罪成，被判監7個月。他稱於赤柱監獄服刑期間見到很多「老友」：「我都唔明？我好重罪咩？但係去到赤柱，我見晒我啲老友喇，何俊仁、李卓人、戴耀廷嗰啲見晒，係咁打招呼。」劉慧卿忍不住大笑，挪揄他「真係衰。」
曾健成
劉慧卿提到，《港區國安法》立法後「宜家好多人都係好驚。」曾健成回應稱，政府經常強調要愛國愛港，但愛不應日日講：「（政府）依家日日都要你講愛，愛國愛港，依家日日都要你口頭講，唉大佬，啫係七十幾歲人仲要人哋講愛，你突然返去同你老婆講，『老婆我愛你啊』，幾廿年冇講，突然間開始講，咁你老婆諗你做乜嘢啊？愛唔係日日講㗎嘛。」
曾健成：沒打算移民 亦「冇驚過」
劉慧卿問曾健成有沒有計劃移民和「會唔會驚」。曾健成稱沒打算移民，亦「冇驚過」：「我好多老友走咗（移民），亦好多唔出到嚟（坐監），仲有好多未出到嚟，以前邊有咁樣可以還押咁耐？」
劉慧卿
曾健成指現在香港「紅線」模糊，社運人士根本不知道自己犯了甚麼罪：「宜家告你咩罪？我諗緊告你咩罪，告你國安定……自己都唔知犯咩罪。」
曾健成：現在「逢一都驚」
節目臨近尾聲，劉慧卿慨嘆：「留得喺香港，梗係盡力啦，希望第二次都有機會請你上嚟，或者變咗你同我都入咗去（坐監），入咗去要搵人哋嚟探我哋，真係好大件事。」曾健成則稱：「香港人，啫係大家企返喺自己嘅崗位啦。」
他雖說「冇驚過」，但又稱現在自己「逢一都驚」：「元旦、十一、七一、五一、七二一、八三一，有親一字都驚，逢一都驚，我都驚，我出街都驚，出街有人搜你。」