環境及生態局局長謝展寰（資料圖片）
（獨媒報導）垃圾徵費押後實施四個月，4月1日起亦僅實施小規模「先行先試」，引來垃圾徵費即將被推倒的猜疑。環境及生態局局長謝展寰今早在電台節目多次重申「要試試」，未正面回應是否會再次延期。被問到配套及宣傳是否足夠，他指當局已宣傳政策良久：「依家你見到好多人，佢哋又真係嗰垃圾收費……話我哋開始嚟喇，咁大家先至突然間緊張吖嘛，呢啲都係人性使然嚟嘅。」
環境及生態局局長謝展寰今早在商台《政經星期六》節目表示，「先行先試」選取了本港典型樓宇「細心去試」，欲了解操作上的問題及困難。他提到特別欲了解參與者如住客、物管、清潔工及洗碗工的經驗，「佢哋做嘅時候佢哋有冇咩困難呢？佢哋嘅感受係如何呢？有冇啲咩嘢係做成係好大嘅問題？」以及會否造成很大壓力。謝展寰又提到，雖然環保署各區設有「綠在區區」，垃圾站亦會收集廚餘，但欲透過試行了解「（參與者）做起上嚟會否感到方便」。
被問到「先行先試」計劃中，環保署將提供免費垃圾袋，未能模擬垃圾袋收費的情況，謝展寰僅指能讓當局有基礎作判斷。
廚餘處理量僅900噸 謝展寰：理論上足夠
本港目前約1.1萬噸都市固體廢物中，約三分之一（3,300噸）為廚餘，不過廚餘收集機仍未廣泛設置，主持問到是否足夠。謝展寰指「依家勉強都得嘅」，稱「先行先試」可了解廚餘「會唔會大量增加呢？」。他稱分別其他垃圾與廚餘有一定複雜性，亦涉及習慣的改變，「有幾多人願意分出嚟呢？呢個真係要試一試先至知道。」
本港每日廚餘總處理量約900噸，他稱料中短期足以處理，但稱為「純理論上嘅推算」：「作為負責任嘅政府呢，都要睇睇、試試先。」
他稱餐飲業界支持環保，形容「有相當大嘅決心」，但有實際困難，例如食肆未必有足夠地方或人手，指「先行先試」便「可以試到」。
謝展寰提到，第二座廚餘廠正進行測試，其設施可以將膠袋分開。數個月後市民可以將膠袋連同廚餘一併放入收集機，謝展寰重申無須使用指定袋，將廚餘連同一般膠袋投入廚餘機不會被罰款。
謝展寰：垃圾收費在即市民「先至突然間緊張」
謝展寰在節目中提到，「依家你見到好多人，佢哋又真係嗰垃圾收費……話我哋開始嚟喇，咁大家先至突然間緊張吖嘛，呢啲都係人性使然嚟嘅。」主持指應提早宣傳，謝則稱「宣傳咗好多年」。
對於有議員倡再延後實施，謝展寰只重覆稱垃圾收費是重要政策，但下一步如何需謹慎處理，故「先行先試」，「等我哋試咗先」，將於五至六月向立法會報告。